وقال لهيذب في تدوينة نشرها على صفحته الرسمية بموقع التواصل الاجتماعي فيسبوك :
" يا 18-39 راكم شباب طاير طيران.
معناتها لا تسأل ولا تاقف قدام مركز تلقيح ولا تقول شبيهم نساوني قبل ماتعمل ال *2021#.
راهو فيه الحالات الكل .
الي نسى رقم التسجيل متاعو ، والي ضيع الموعد ، والي ضيع اسم مركز التلقيح، والي لقح الاولى نهار العيد.
كل شيى واضح .
تحيين بعد الاسئلة:
1- حكاية الحساسية من البنيسيلين ماهومش ممنوعين من التلقيح فقط يلزمهم مراقبة اطول شوية بعد الجرعة.
2- حكاية ادوية السيولة وامراض القلب ماهيش مانعة للتلقيح، فقط يلزم مراقبة اطول وضغط اكثر على مكان الحقنة.
3- الناس الي مرضوا في جوان وجويلية ماهمش معنيين بالحملة متاع غدوة.
4- الناس الي عملو سخانة والتهابات ماهيش كوفيد ينجموا يلقحوا بعد اسبوعين.
5- ماتعملوا حتى تحليل قبل التلقيح اذا ماعندكمش اعراض.
6- المرأة الحامل في الثلاثي الثاني والثالث تلقح مودرنا والا بفايزر.
7- المرأة المرضعة تلقح اي نوع من التلاقيح.
8- الاساطير متاع ما ادوشش وماتغسلش وماتاكلش الحار بعد التلقيح راهي خرافة."
Tags
أخبار