الحكم بعدم سماع الدعوى في حق ياسين العياري.

هذا ما دونه النائب والمجمد عضويته بمجلس النواب ياسين العياري على صفحته الرسمية بموقع التواصل الاجتماعي فايسبوك بعد الحكم بعدم سماع الدعوى في حقه. ! براءة!

الحمد لله حمدا كثيرا.

جزيل الشكر للأساتذة الجماعي، حراث، لموشي و بن عمر.

تطلب الأمر 3 محاكمات و تعقيب، ليغلق ملف قضائي عسكري ماكان يجب أن يفتح أبدا، فارغ مضمونا و ساقط أجرائيا، لا فيه شاكي لا ضرر لا معاينة لا إختبار.. تي حتى إستدعاء باش نعلم بالمحاكمة لا! 

3 سنين!

3 سنين لم أتمسك في كل الأطوار بالحصانة، رغم الأحكام الظالمة.
3 سنين نمشي و نجي.
3 سنين تمرميد.

و ذنبي؟ ربحت إنتخابات في ألمانيا بنظافة.
لاني مجرم، لا سارق، لا فاسد! خطية مرور ما يلقاوليش!

3 سنين و كل جلسة نسلم على صغاري، شوف نرجع شوف لا، بلا ذنب.

حكم اليوم أثبت كلامي، الي هي قضايا ملفقة، كيدية، سياسية، فارغة، مجرد رفعها إهدار للمال العام.

حتى الي شديت فيها الحبس ظلما، كيف كيف، تدوينة مدلسة، ماهيش متاعي و هذا أثبتته الإختبارات! 

تو ربي ياخذلي حقي ملي ظلموني.

هكة تقعدلي زوز قضايا مهمة :

- عسكرية، نهار 22 نوفمبر، جديدة هذه، كيفاش تقول على 25 جويلية إنقلاب، عداوهالي فعل موحش لرئيس الجمهورية و تحطيم معنويات الجيش.

- قضية البلكاني، نائب شعب يواجه في شركة بترولية في فرنسا، الحديث عن السيادة ساهل، الفعل صعيب!

بالنسبة لقضية البلكاني، عندي جلسة في باريس يوم 2 نوفمبر.
بش نسافر بإذن الله يوم الجمعة.
سيصاحبني عدل إشهاد، باش كان تم منعي، يعاين و نبعث الشهادة للقاضي الفرنسي حتى يعلم أني لم أهرب و لم أفر، بل منعت من الحضور.

ما عندي حتى منع سفر من عند أي قاضي، منعي سيكون تعسفا في إستعمال السلطة.

بالنسبة لجلسة اليوم، حضرت و خيرت إلتزام الصمت ككل محاكماتي العسكرية. 
التمسك بالصمت حق قانوني و أمر مبدئي، لأني مقتنع أن المحاكم العسكرية لا يجب أن تحاكم المدنيين.

شكرا جزيلا لكل الأساتذة، لكل من ساند حتى بالدعاء.
ممتن لكم جدا.

"فأما الزَّبد فيذهب جُفاء" صدق الله العظيم.

إرسال تعليق

أحدث أقدم

نموذج الاتصال