عاجل : بعد 20 سنة الإعلامي بوبكر بن عكاشة يعلن مغادرته إذاعة موزاييك آف أم و يكشف الأسباب.. التفاصيل

عاجل : بعد  20 سنة الإعلامي بوبكر بن عكاشة يعلن مغادرته إذاعة موزاييك آف أم و يكشف الأسباب.. التفاصيل

موقع موزاييك نيوز الاخباري_ أعلن الإعلامي بوبكر بن عكاشة في تدوينة له يوم الأحد 13 مارس 2022 عن مغادرته اذاعة موزاييك نهائيا بعد تجربة دامت قرابة 20 سنة. وكتب الاعلامي على صفحته الشخصية بموقع التواصل الاجتماعي فايسبوك، أنه حان الوقت لأخذ قسط من الراحة من العمل الاذاعي في موزاييك و خوض تجربة أخرى.
وفيما يلي نص ال تدوينة: 

" نتذكر أول نهار في نوفمبر 2003 … عمري 22 سنة …و نتذكر بوكي احلى الكلام و ترهويجة و اهلا بيكو و اشهارات البرمجة و وليت الصوت الرسمي لموزاييك أف أم … نتذكر تجربة إدارة البرمجة 9 سنوات و برشة أفكار خدمناهم و نجحنا فيهم … نتذكر برشة زملاء خدمنا و تعبنا مع بعضنا


نتذكر هندسة سايس خوك و نجاحها في صيف 2009 و كان معانا نصر الدين بن مختار يرحمو .. نتذكر سهرات ليلة راس العام و رمضان شو أنا و هادي زعيم ..و بعد جات ميدي شو كانت ثقافية ..نتذكر ليلة 14 و 15 جانفي و حتى ل18 جانفي و قت خذيت المسؤولية و نجحنا مع عديد الزملاء باش نتعداو لمرحلة جديدة وقت ما فما حتى تأطير إداري مباشر . نتذكر معاركي و الصعوبات و الخلافات .


 عملت برشة أغلاط و عملت برشة نجاحات . و نعتبر من أهمها à la page مثلا .. و على كل لسان في نسخته الحالية هو من أفضل تجاربي من حيث القيمة المضمونية . ماهوش ساهل أنك تخدم دائما من أجل النجاح و تحط مصلحة المؤسسة اللي تخدم فيها قدام عينيك . تخدم بلاش أنانية و بنظافة .. و المسؤولين يعرفو مليح هذا .

بعد ما يقارب 20 سنة من الانتماء روحا لموزاييك … عملنا غلطة و ماهياش أول مرة تصير و ما تم اتخاذ حتى قرار .. ولات قضية أكبر من حجمها ..لانها غير مقصودة و الناس الكل تغلط …
يظهرلي حان الوقت لأخذ قسط من الراحة من العمل الاذاعي في موزاييك و خوض تجربة أخرى .
و اعلان نهاية الرحلة … حظا سعيدا للجميع .

يذكر أنّ ادارة موزاييك قررت وقف احدى الفقرات في برنامج يقدّمه بن عكاشة، بعد أن تم تمرير كلمة منافية للأخلاق في احدى التسجيلات.
واثر فتح تحقيق داخلي، تم الاستغناء عن مقدم الفقرة ونشر اعتذار رسمي. ومنذ أيام غاب بن عكاشة عن تقديم البرنامج دون أي تفسير، وعوضّه الصحفي صلاح الصكوحي.

إرسال تعليق

أحدث أقدم

نموذج الاتصال