عاطف بن حسين يتضامن مع فرحات هنانة و يهاجم الهادي زعيم و قناة الحوار التونسي :" آش لزك ماشيلهم..قوتلك معاش تمشيلهم.. "

الممثل عاطف بن حسين يتضامن مع فرحات هنانة بعد الاتهامات الخطيرة التي وجهتها له زوجة المرحوم سفيان شعري، ليلة البارحة في برنامج "فكرة سامي الفهري" على قناة الحوار التونسي، مع الاعلامي الهادي زعيم. 

وكتب عاطف بن حسين على صفحته الرسمية بموقع التواصل الاجتماعي فايسبوك التدوينة التالية: 

بوفريح... فرحات.. قوفريح (كيما يحب يعيطلك ابني الصغير هود) ...

آش تحبني نقلك و منين باش نبدى...

جاء الدور عليك صاحبي...

لواه تمس في السيستام ؟

لمشاهدة تصريح زوجة سفيان الشعري إضغط هنا

و اش لزك اتبع في طريق الحق في وسط وحوش همهم الوحيد كيفاش يعملوا باش أحنا نفناوا ؟؟؟

مازالوا باش يعملوا أكثر من هكة بيااااااااسر...

نكلوا بينا كيما حبوا و مازالوا... غار اللفع معبي.. عش الدبابير... قتلك ماعادش تمشيلهم و خوذ منهم موقف نهائي... كيف نقلك راهم أسقط ما أنجبت البشرية مانيش نفدلك.. كيف نقلك راهم أوطى ما تنجم تعرف مانيش نفتري عليهم..

كيف نقلك راهو الدومان هذا مستنقع متاع ضفادع راني خابرو مليح و نعرفهم ضفدع ضفدع و تعداوا قدامي يكركروا في شلايكهم و يدبروا في بليصة...

راهم مستعدين يحاربوك بكل قذارة العالم لأنهم يعرفوا انو هذيكة بلاصتنا و ماهم الا متسلقين مبيوعين و بيوعة...

يحاربوك حتى بالموتى العزاز علينا....

لمشاهدة رد فرحات هنانة على الإتهامات التي وجهت له إضغط هنا

أنا ما نلومش على سهام مرت صديقنا و فقيدنا سفيان الي مازال يوجعنا برحيلو و يمتعنا بتمثيلو... انا نلوم علي هزها للكلام هذاكة الي حير مواجعها للي لزها تقول هكاكة..

انت بريء من كل ذلك الافتراء و انا شاهد على ذلك...

أبعثهم و ماعادش تسمعهم و ماعادش تمشيلهم.. في انتظار تنظاف و تتغير الأمور....

لا تهتم صديقي و الله يرحم سفيان الشعري...

صاحبك و خوك عاطف بن حسين و عايلتو الكل فردا فردا الي يحبوك و يتوحشوك