حاتم المليكي: يشن هجوما عنيفا على رئيس الجمهورية.

حاتم المليكي: يشن هجوما عنيفا على رئيس الجمهورية....قيس سعيد مفلس فكريا كرئيس جمهورية

وصف السياسي والنائب السابق في البرلمان المنحل، حاتم المليكي قيس سعيد بالمفلس فكريا كرئيس جمهورية.
وقال المليكي في تصريح إذاعي :" إذا ريت واحد قلك راني بش نصلح الإصلاحات الكبرى والمؤسساتية والدستورية والفكرية والثقافية أعرفوا راهو فالس لا عندو لا إصلاح ولا عندو فكرة في مخو ولا ينجم يحرك حجرة...


قيس سعيد مفلس فكريا كرئيس جمهورية كشخصية فكرية ينجم يكتب كتاب ينجم يعبر على الأراء متاعو ويعمل ندوة وينظر في القانون، أما كمسير للدولة التونسية من 25 جويلية، مسير لقطاعات وين بش نرفعو الزبلة متاعنا المنظومة البيئة كيفاش يش نخدمو بيها، منظومة التشغيل كيفاش بش نحسنوها التكوين المهني أش بش نعملو فيه، التكوين المهني أش بش نعملو فيه، الاقتصاد أش بش نعملو فيه البحيرات... 


شيخنا بالقضاء المستقل نحا مجلس أعلى للقضاء وعين مجلس أعلى للقضاء ومبعد قالك ما عجبنيش بش نمشي نعفيهم مباشرة، تاو هو أستاذ قانون عمرو الكل يقري في العباد في حق الناس في المحاكمة العادلة، كي شد رئيس نحا المحاكمة العادلة، 


أي ما زادة يلزم فما شنوة تناسق عند العباد في الأفكار متاعها، فما حاجة اسمها النزاهة العلمية والفكرية، هاذيا عند الناس اللي يقريو والعلماء وحتى كان حاجة تصلحو ليه هو ما ينجمش يستعملها لأنها لا تستقيم من الناحية العلمية، انت عمرك كامل تقري في العباد في حق الناس في الدفاع عن النفس وحق التقاضي على درجات وأنو الناس ترفع ديما أحكام وما فماش نص محصن بذاته وانت أستاذ متاع قانون دستوري تجي مبعد تخرج نصوص محصنة بذاتها وتلغي الحق في الدفاع عن النفس وتلغي الحق في الحاكمة العادلة وتقلي راني نصلح في القضاءـ، 


تي هو المبدأ اللي قام عليه القضاء هو المحاكمة العادلة انت ضربت المحاكمة العادلة وتقلي نصلح في القضاء شكون المواطن اللي بش ياقفلك غدوة قدام قاضي في المحكمة ما يعجبوش الحكم متاعو بش يسكتلو ماهو بش يقلو بش تشكي بيك للسيد الرئيس انت، 


ياخي ما وصلوناش للاستهتار عالسبيطارات والمدارس وصلونا بالهم، ولا مواطن ما يعجبوش طبيب يشدو يعطيه طريحة، ولاخر جايب واحد للاستعجالي يمشي يضرب فرملية ولاخر يعتدي على معلم ولا على أستاذ الناس ما تحبش تفهم شنوة معناها مفهوم دولة،...

 نحنا توة في اللا دولة أول حاجة حالة استثناء ما عناش حتى نص قانون عنا الـ117 يقول نحكم كيما منحب وما تنجموش تحكو فيا، عنا إضراب عند القضاة وإضراب معلن عند اتحاد الشغل"...

إرسال تعليق

أحدث أقدم

نموذج الاتصال