يمينة الزغلامي تطلق النار على الجميع : النهضة أشرف منكم.. إحشموا راكم خرجتوا تزمروا نهار 25جويلية و تزغرطو

كتبت القيادية بحركة النهضة و النائب السابقة بالبرلمان المنحل يمينة الزغلامي على صفحتها الرسمية بموقع التواصل الاجتماعي فايسبوك التدوينة التالية :


حركة النهضة صرحت منذ نشر وثيقة قيس سعيد انها اولا ضد المسار وتعتبره انقلاب اذا هي مع المقاطعة وثانيا ملتزمة بدستور 2014 وبمضامينه ومبادئه وهو الضامن للحريات وللدولة المدنية ولهوية الشعب وحرية الضمير وللديمقراطية والفصل بين السلط ولاستقلال القضاء وللديمقراطية المحلية 


واليوم ندوة صحفية وتصريحات واضحة وصريحة ومازالت جوقة التلبيس والتشويه والي كذبوا في 2011راهو النهضة باش تقعد النساء في الدار وتفرض عليهم لباس معين و 4نساء وووو


احشموا راكم خرجتوا تزمروا نهار 25جويلية والديمقراطي فيكم بلع لسانو وسكت ومشى يصيف وراء البحار والان ومع الصدمة العظيمة من الوثيقة المعروضة عوض نراجعوا الكل حساباتنا و تواضعوا الكل ونعتذروا الكل من أجل تونس باش ما تضيعش رجعتو هاو النهضة لم تصرح باي موقف من دستور قيس سعيد على خاطر عاجبها شويه حياء راكم عملتوا العار


هاو ننصحكم دوروا علينا جماعة النهضة فرد فرد ومعاكم عدول اشهاد باش نبصموا اننا رافضين هذه الوثيقة التي عيب نقول عليها دستور  تقريب حاشمين ولا خايفين منكم 
هات نتواضعوا وتكون عندكم شوية مصداقية راهو العار أطول من الأعمار

إرسال تعليق

أحدث أقدم