ما نشكش في نظافتك أما زادة ماكش أنظف من القاضي حمادي الرحماني المضرب عن الطعام منذ 12 يوم
أما فما حاجة يتميز به القاضي حمادي الرحماني عليك يا سيد الرئيس هو أنه كان فعلا من شباب الثورة وهو من بين 4 قضاة الي صححوا على بيان 12 جانفي 2011 وقفوا فيه لجانب الثورة وطالبوا من القضاة باش ما يحاكموش المحتجين .
يظهرلي ما اطلعتش عليه البيان وقتها ؟؟؟
يا سيادة الرئيس انت وقتها فينك خرجت تظاهرت عرضت نفسك للكرطوش كيفو هو وبقية الشباب ؟؟؟؟
اليوم نلقاوك تعفي القاضي الشريف حمادي الرحماني خاطر نقدك في ما قمت به تجاه القضاء وتحشرو في قائمة سميتها قائمة الفاسدين وما قدمت حتى دليل ضده ولا ضد العديد من القضاة. راهو عيب وفضيحة .
وتحبني اليوم نصدقك الي انت ماكش باش تتعسف علينا في المستقبل !!!
نقولهالك راهي موش باش تدوم لك الرئاسة سيد الرئيس ولن تنفعك الحصانة التي تحصنت بها في مشروع دستورك
Tags
مقالات رأي