ما دخلتش في الفوفعة متاع المقاصد ، تعرفوش علاش؟
على خاطر تقعد حكاية تأويل، وكل شيء (اينعم كل شيء) قابل للتأويل بالأمر ونقيضه (كتابي والله أعلم تمرين على ذلك)…بالمقاصد نعطيك تأويل يمنع الإعدام وتأويل يبيح الإعدام، وتأويل يمنع السبي وتأويل يبيحه إلخ…
تقولوا لي هذا موش خاص بالأديان، نقول لكم بالطبيعة، هذيكة طبيعة الحياة الكل… التأويل ديما نسبي… المشكل الصغرون أنو تأويل بالاستناد إلى المقدس هو تأويل نسبي، لكن صاحبه يتصوره مطلق… هذاك علاش يلزم نبعدو على التشريع بالأديان…على خاطر اللي عنده سلطة التأويل يعمل اللي يحب ويقول لك ربي قال… طبعا ربي خاطيه، لأنه مفارق للتآويل التافهة متاعنا…هو الحق…
هو الحقيقة وموش التأويل
هو الشيء الكانطي وموش اللغة
هو الحياة وموش نظرتنا للحياة
هو الوعي وموش موضوعات الوعي
هو البحر وموش الموجة
هو الوجود وموش قراءتنا للوجود…
سامحوني، هاني سكت، وباش نقيّل…
Tags
مقالات رأي