مريم بن مامي ترد على كل من طلب منها ان تسامح سمير الوافي وعلاء الشابي: عديت عام من حياتي وانا فالمحاكم.... وانا شاكية بالمتحيل والقلاب والساقط والنذل.. و مانيش مسامحة.

مريم بن مامي تعلق على تصريح مقداد السهيلي الذي طلب منها ان تسامح سمير الوافي وعلاء الشابي. (صور) 

و قالت مريم بن مامي في تدوينة نشرتها على صفحتها الشخصية بموقع التواصل الاجتماعي فايسبوك، حورات ادور فالراديوات والجرايد على اخلاقي العالية و طيبة قلبي.. نحب نشكر كل من قال فيا كلمة حلوة اما نحب نعرف شمدخل اخلاقي العالية في قضيتي مع سمير الوافي!!!  

 معنتها علخاطرني متربية لازمني انسامحو ونعمل اسقاط؟! هذا هو الي طا لبينو مني توا!! بش انسامحهم؟!!!! اما ميحس الجمرة كان الي يعفس عليها!

و في تدوينة أخرى قالت مريم بن مامي "عديت عام من حياتي وانا فالمحاكم....من قضية القضية وانا شاكية بالمتحيل والقلاب والساقط والنذل ونكار العشرة ووكال عروقات الناس... اما هاو message للي مزال بش يتعدالي على حقي والا مزال بش يقلبني والي ناوي بش يقلبني والا نتعدى على حقي راني بش نفضحوا بالاسم واللقب و عنوان شركة الانتاج متاعوا وانت تعرف الي نحكي عليك اي عليك عليكم وهذا انذار ومن انذر فقد اعذر.... 

راني فديت وحقي منيش مسيبة فيه وبش ناقفلكم كالشوكة في حلقكم توكلو في اولادكم فلوس الحرام وتربيوهم بالحرام ويطلعوا اولاد حرام وانتوما تقعدوا تندبو على سعدكم ومكمش فاهمين علاش اولادكم هك! اولادكم طلعوا هك علخاطركم كليتو حق العباد واتمعشتم بالكذب والتبهبير و ضربان اللغة علخاطركم قهرتو ولايا واتعديتو ا على شرفهم وكملتوا عشتو عادي كاني العبد الي تعديتو عليه حيوان لعندو رجال وراه توجعو لعند صغار غدوة تكبر واتشوف عالانترنات فضايح وكلام  خايب! قبل كنت انقول الله يهدي توا وليت انقول حسبيه الله ونعمة الوكيل...انا عندي ثقة كبيرة فالقضاء ونعرف الي بش ياخولي حقي... تحيا تونس رغم كل شي؛