و قامت زوجتي بتكليف محامية عائلتها بالموضوع و اعلمتها الي احنا متفاهمين في كل شيء و المحاميه باش تتوكل علينا الاثنين بما انا احنا متفاهمين و كملت الحكايه كيف ما كنا متفاهمين و كملت الثلاث سنوات و مشات زوجتي معايا و صححت معايا و عطاوني عامين و طلبو عليا B1 باش ناخو اقامه دائمه و بعدها خرجت انا من الدار و مشيت مقاطعة أخرى كريت دار و خدمت و ترسمت و الحمد لله.
و بعد مده حوالي ستة أشهر جاني الإعلام بالطلاق و مشيت و تم الطلاق بالتراضي و بعد عامين مشيت باش نتجديد الاقامه اعطاوني عام و طلبو عليا ورقة الطلاق اعطيتهم ورقة الطلاق جددولي الاقامه بعام فقط كملت العام و من بعد عاودت تجديد الاقامه طلبو عليا اوراق من الخدمة و كل الاوراق الازمه قدمتهالهم.
عطاوني ثلاث شهور و قالولي تو نكلموك كيف تحضر البطاقة تجي تهزها و قعت نستنى باش يبعثولي و ما راعني الا انهم بعثولي جواب مكتوب فيه الي انا ما عنديش الحق نقعد في المانيا على خاطر زوجتك مقدمه في الطلاق قبل المده القانونية بشهرين و قالولي في مده معينه لازمك تخرج من المانيا .
قمت بتوكيل محامي الماني بالقضيه فاستغرب المحامي و قام بتقديم ملف انو المفاهمه الي تفهمنا فيها كلها غير قانونية و أنو منوبي يجهل القانون الألماني و لم يدرس اللغة الألمانية و دفع الملف في المقاطعة التي تم فيها الطلاق فتم الرفض .
و قعدوا يجددولي بثلاث شهور للمره الرابعة .انا احترت شنو نعمل نحبكم تنصحوني الناس الي عندها فكره مع العلم اني و الحمد لله ما عنديش مشاكل و لا سوابق و نخدم و مرسم في خدمتي حتى عرفي عرض عليا يمشي معايا و يصحح معايا بالله الناس الي عندها فكره و على درايه و متمكنه من القانون الألماني يحاولو يعاونوني بالنصيحة و الدباره جزاكم الله خير.
مواطن تونسي بالمانيا.
Tags
مقالات رأي