ريم الرياحي : أنا اليوم طلعت باش نحكي ونقول أنا بريئة من تهمة الزنا والمخدرات وما تشديتش متلبسة و هذا شنوة صار بالتفصيل. (فيديو)

#ريم_الرياحي في برنامج #فكرة_سامي_الفهري :

"الي صارلي أسقط و أخيب حاجة تنجم تجي لمرا.. 3 شهور و نص ما خرجتش و كان ما جاش عندي فيلم في jcc ما نخرجش.. ما تكلمتش بناء على طلب طبيبي النفسي الي نتعالج عندو.. 

الي كانو مسانديني ولاو يقولو كان جات بريئة راهي خرجت تكلمت ما سكتتش.. الخبر خرج للإعلام وانا مازلت ما وصلتش للڨرجاني.. À la une فيه اخبار ال8 في موزاييك..كيفاش تخرج خبر قبل ما تثبت الإدانة.. تي هي التحاليل متاع المخدرات تقعد 48 ساعة بش تخرج.. 

أنا في المركز تعاملت بكل احترام و ان شاء الله ما يكون كان هذاكا ليا و لغيري.. داري تفركست و تلفوناتي ما لقاوش شي.. أنا كان عندي فايسبوك مشترك مع طليقي على خاطر ماني مخبية شي ... لا ثبت عليا لا دروغ لا زنا لا شي ... الطلاق صار قبل الحادثة وبالتراضي ،

 أنا نحب نطلق منذ 3 سنوات تخليت على حضانة صغاري خليت أولادي يعيشو مع بوهم في نفس الدار إلي هوما فيها ، أنا مرا تمسخت مانتصورش روحي نهز ولادي للمكتب ولانخرجهم ولا شي وبوهم موش باش يضرهم وخليت الحضانة ... مانيش باش نكمل نعيش كيما كنت عايشة قبل ... مالوحتش أولادي هوما عند أولادي واولادي كبروا ، أنا نجم نرا ولادي وقت مانحب ووين نحب زيارة غير مشروطة لا بالزمان ولا بالمكان"