بعد أن وقعت إقالته من من هيئة الإنتخابات.. سامي بن سلامة: يكشف حقيـــقة الأرقام وما حدث البارحة وما يحصل الأن في قصر قرطاج ..

اعتبر عضو الهيئة العليا المستقلة للانتخابات سامي بن سلامة في تدوينة على حسابه بالفيسبوك أن رئيس الجمهورية قيس سعيد يتمتع بصلاحيات فرعونية ما توفرت لا لبورقيبة ولا بن علي ولا حتى لحنبعل ، ويحضى بدعم شعبي من النخب ومن الإعلام .

كما اعتبر بن سلامة أنه رغم كل هذه الصلاحيات فإن قيس سعيد لم يفعل شيئا وأضاع الوقت. 

وفيما يلي نص التدوينة كاملة:

عندو صلاحيات فرعونية ما توفرت لا لبورقيبة ولا بن علي ولا حتى لحنبعل...

ويحضى بدعم شعبي ومن النخب ومن الإعلام ما توفر لحد قبلو...

أي واحد في بلاصتو كان يجيب أكبر الخبراء والمختصين...ويعمل حكومة في المستوى....

والبلاد هاذي كان ينجم يغيرلها وجهها في ظرف عام... بقرارات ثورية وبروح تونسية حقيقية تسعى للتقدم والتطور ولرفاه الشعب المظلوم هذا..

شنوة عمل ؟

حتى شيء...

ضيع الوقت وأي موضوع يدخل فيه ما يكملوش ويزيد يفرعسو...

الشعب هذا ماهوش غبي راهو...

طيب وصبور لكنو يفهم على الرمش...

عطى النهضة في 2011 وعاقبها بالنداء في 2014....ضرب النداء في 2018 وطلع المستقلين...

فشلو المستقلين...عاقب النهضة والنداء والمستقلين والطبقة السياسية الكلها وجابلهم قيس سعيد في 2019...

دعم قيس سعيد في الاستفتاء... ووقت اكتشف الي حكايتو فارغة عطاه صرفاق غير مسبوق في تاريخ الانتخابات التونسية منذ الاستقلال في انتخابات 2022...

وما زال...