عملت صفحة في أنستغرام عام 2013...اليوم عندي فيها مليون و100..!ألف أبوني تقريبا... حلال محلل من غير ما نعري ونوري ومن غير ما نشري بروفيلات فايك كيما برشة...وهذاكة علاش عملت أكثر من مليون في فترة طويلة...ونعتبرهم جمهور حقيقي موش ساهل تجمعهم وتستقطبهم بالكتيبة والمحتوى الاعلامي والكلاسيكي...عكس ناس أخرين يعملو نفس العدد في عام والا أقل بشريان كمية متاع فو بروفيلات فايك...وبدون محتوى ولا مستوى...وشخصيا ما نعملش اشهار واعلانات رغم الاغراءات...و مانيش ضد الخدمة هذي اللي هي مهنة جديدة في العالم وموش عيب...لكن هذا إختيار شخصي...!!!
وللمقارنة والفهم...سيريل حنونة المنشط الفرنسي الأكثر مشاهدة و أوديمات في فرنسا عندو مليون وميتين الف عملهم في فترة أقصر ( نضال السعدي عندو أكثر منو ببرشة )...و زادة Arthur المنشط الفرنسي الأشهر والأقدم عندو مليون و800 الف ( هادي زعيم عندو أكثر منو )...وفمة نجوم عالميين ما عملوش صفحاتهم بسهولة وسرعة كيما بعض التوانسة العاديين !!!!!
لذا كي تشوف أنو عدد التوانسة المشتركين في أنستغرام هو ثلاثة ملاين تونسي كهو...منهم زوز ملاين كهو معدل اعمارهم فوق ال24...وتلقى شكون يعمل زوز و ثلاثة واربعة ملاين وأكثر بسهولة وسرعة...تفهم قداش فمة فايك وأعداد مغشوشة وترافيك في أعداد les abonnés...وهي تجارة مربحة في تونس...لكن بدون تعميم لأنو فمة صفحات حقيقية وناس محترمين يخدمو بشرف وناجحين...لكن فمة زادة شكون عاملين مهنة الأنستغراموز واجهة تغطي نشاطات أخرى غير شرعية...وتونس صغيرة ونعرفو كل شي...ولو كان يتم فتح تحقيق برشة منهم يمشيو ورا الشمس !!!
Tags:
منوعات