شهدت حلقة هذا الأسبوع من برنامج فكرة سامي الفهري على قناة الحوار التونسي حضور الممثل والمنشط جعفر القاسمي وبصفة مفاجئة حل مواطن يدعى محمد نومة في الأستوديو وتأثر عند رؤية جعفر القاسمي مؤكدا أنه يتمنى لقائه من حوالي 15 سنة وأنه يكن له محبة خاصة :"أنا جيت على خاطرك.. خاطر نحبك ونعزك ومن 2007 تمنيت نقابلك ونشكرك.. خاطرك إنسان ولد عائلة.. وما نجمش نوصفلك المحبة الي نحبهالك.. جيت من صفاقس خاطر نحب نقابلك".
وأضاف :"صدقني انت قطعة في وسط بدني نحبك ونعزك برشا.. 15 عام وأنا نستنى وقتاش نقابلك ويرحم الام الي جابتك.. نتبع فيك في مسلسل الليالي البيض كي تفرجت فيك في الحادث.. ماشي فيبالي توفيت بالحق.. ومشيت نسأل .. توا كي قابلتك وشفتك ارتحت".
مما تسبب في تأثر جعفر القاسمي ليرد عليه :"الي عملتو معايا يعطيني نفس ويعطيني قوة باش نكمل فلي نعمل فيه.. يشرفني ياسر ويمسني ياسر الي قلتو.. يرحم والديك".
Tags
منوعات