أوضحت الفنانة رانيا التومي تفاصيل مشاركتها في مسلسل سره الباتع مع المخرج خالد يوسف وبداية دخولها مجال الفن في مصر وقبلها في بلدها تونس.
وقالت الفنانة راني التومي في تصريحات خاصة لـ القاهرة 24: دخولي مجال التمثيل في مصر وحب الجمهور ليا وظهوري قبل ما يشوفوا مسلسلي مسئولية كبيرة، لسه مجاش المسلسل وجاتلي كمية رسايل كبيرة الفترة دي وفي تونس عندي ناس بتابعني من مصر، وفرحت جدا بحب الناس لكن قلقت لأني لازم أكون قد المسئولية وظهوري في مسلسل كبير وصخم وده مسئولية كبيرة.
وأضافت رانيا التومي: بداية عملي في الدراما كان في ناعورة الهواء، كان في دور صغير جدا في عام 2014، وبعده مشاعر الجزء الأول، الهربة، ومسرحية، وكنت مذيعة، ثم عملت مشاعر 2، و1616، وكان معايا برنامج الألعاب، نهار الأحد ما يهمك فيه أحد.
واستكملت رانيا التومي: أكتر شيء حمسني لهذا العمل أسم الأستاذ خالد يوسف، لما رشحني قلت ليه أنا؟ أنا أروح لمصر وما أعرفش حد هناك، أكيد مفيش حد في العالم ما يحملش إنه يمثل في مصر ودوري كبير قوي وصعب، أنا قررت التحدي وقلت نتوكل على مصر.
تفاصيل شخصية رانيا التومي في مسلسل سره الباتع
وأكملت رانيا التومي: هي شخصية أسمها لونا ستكون فرنسية وعايشة في مصر، الدور هاتكلم فيه باللهجتين المصرية والفرنسية وأنا خرجت من رانيا الفرفوشة الحلوة لدور بنت تانية، في حاجات كتير اتصلحت والفضل يرجع للأستاذ خالد يوسف ومش عارفة أشكره إزاي.
Tags
منوعات