كتبت الصحفية آية الزمال _ بعد ما هبطت قناة الانسان حاجتها بمقدم أخبار في فرع المهدية قدمت و مشيت للقناة و تم قبولي من غدوة قالي مدير القناة لازمني نسجل حتى زوز أخبار باش صاحب القناة و اسمو ( محمد علي الشابي ) يطلع عليها و يشوف خضوري و خدمتي ( صاحب القناة ينادوه الحاج )
الحاج جا و باش يعطي رايو في خدمتي ما لقا ما يلاحظ على خدمتي و حضوري الا انو السيد غزرلي و قلي معندي ما نقول اما عندي ملاحظتين ركزو معايا
قلي " انت سمرا و زيد عندك ثلجة في سنيك و هنا كانت الصدمة وكمل كلامو و قلي اعمل فوندتان تبيضك و ما تمكيجش ( ما يحبوش المكياج ) و كمل كلامو و الحضور حال فمو من الصدمة و قلي اعمل appareil dentaire و لا شد المونتاج و ما تظهرش في الصورة لين تعملها..
و بعد حوار قررو انو نعاود نسجل و يبعد وجهي في المونتاج باش تفاصيل وجهي ما تبانش ..
السيد المتنمر هذا هو صاحب القناة و ينادولو الحاج . نختم كلامي نقول بارك الله فيكم الي تخدمو في القناة الكل على معاملتكم الطيبة و على
كلامكم الباهي . نزید نعاودلكم القناة اسمها قناة الانسان و شكرا .
Tags
أخبار