هذا ما تم العثور عليه في دفتر إدخال متسولة. التفاصيل

روت احدى صاحبات محلات التجارة بمدينة سوسة حادثة غريبة تتعلّق بمتسولة تجوب كل يوم تطلب حاجتها من اصحاب المحلات و من المارة  قالت فيها : ” جيتكم ليوم باش نحكيلكم غريبة و حكاية مخي وقف صدقوني تزدمت الصباح و الرباح كيما كل يوم نحل حانوتي و نطلب ربي و نتوكل علي ربي كيما يقولو فيها مصباح لطياح و ماناش خالطين، 

أما ديما الحمد الله علي كل حال  فما مراء كبيرة ديما نفس السكتور دور فيه و تاخو لي كتب من ربي مني و من غيري ولا نهار خممت باش نقول لا ،لا ليها و لا لغيرها حتي مش بلبرشة بللي كتب ربي كيما تعرفو أحنا التوانسة ما نحسبوهاش و حتي كي نمدو حاجة بينا و بين مولانا …

ليوما ما راعني كان كيما العادة تعدات من نفس البلاصة و عيطت لطفل يخدم بجنبي و مدتلو كرني متع بوسطة قتلو شوفلي قداش عندي interice  و علي خرجتي أني الطفل قللي شوفلها بربي راني ما عرفتش ..شديت أكا الكرني في يدي و هنا كانت الصدمة ..

 العزوزة عندها 42مليون و 786 دينار  ولا كي عرفتني فكت الكرني من يدي  و مشات علي روحها و المشكلة وقفت شكون أخر و خذات ما كتب من ربي  الخلاصة،مش كل واحد يمد في يدو يستحق نعطيوه علي خاطر كثرت الحكاية هاذي و ردوها خدمة و الكل تتحيل بيها”