كتب منذ قليل الاعلامي سمير الوافي على صفحته الرسمية بموقع التواصل الاجتماعي فايسبوك التدوينة التالية:
هذه الكلمات موجهة لمواطنين بسطاء وطيبين وقعوا للأسف في فخ التيك توك وتحولوا بإرادتهم إلى كاراكوزات ومهرجين وضحايا تنمر :
تكون زوالي ربي ساترك وعايش على قدك وصانع جوك بقناعة وإيمان...وفجأة تقوم تدخل في حيط...وتعمل فيديو في التيك توك ويضحكولك وتتمد على طولك...وتولي من فيديو لفيديو ماشي في بالك تشهرت وووليت مهم وتصنع في قصة نجاح...وماكش فايق اللي انت مجرد أضحوكة ومسخرة وكاراكوز في التيك توك...وضحية تنمر جماعي برضاك التام وبتواطئ منك...
وبعد كل فيديو تِسكر وتتخمر بالجامات والكومونتارات وتتوهم اللي انت مؤثر...ولكنك في الحقيقة مجرد مهرج سخيف...عيب اللي تعمل فيه في روحك وفي عايلتك...فيق يا مواطن وانقذ روحك م الكاراكوز وعيش على قدك...
وما تعملش م البساطة متاعك فرجة...وم القناعة متاعك لهفة...ومن طيبتك سذاجة...ومن أصلك سلعة...عاش من عرف قدره...عش محترما مهما كان مقامك ووضعك ومكانك...
وفيما يلي نص التدوينة التي نشرها سمير الوافي كما هي:
Tags
منوعات