دمعة...وتعليق"
ابكي يا حبيبي ابكي
على "العلم" اللي حجبوه
عندو عام وهوّ يشكي
ينادي فيكم..ماسمعتوه ..؟؟!!
دمعك غالي فوق خدودك
لكن دمعك واش يفيد
واذا "هربوا عليك جنودك "
باش تحارب يا"صنديد". .؟؟
توعد ..والوعود ماتكفي..
وناسي الدنيا بالمواعيد
واذا تركت الموعد يمشي
وما طرقتش "سُخْن الحَديد"..
بلادك تمشي وانت تمشي
وماعاد يفيد التنهيد..؟!!..
.."الشعار" عمرو ماينفع
واللي يحب بلادو يدفع..؟؟
لازم يزرع.. لازم يصنع... ؟؟
ويرسم خطو بالتحديد..؟؟
و"صدق العواطف" ما يشفع
مايجيبلنا شيء جديد
و"الإنجاز".. وحدو اللي يرفع
موش الدموع ..بالتأكيد...!!
Tags
أخبار