سمر قالت: يا ميمتي... وسكتت للأبد : كشف تفاصيل اللحظات الأخيرة لوفاة عاملة بمصنع

سمر قالت: يا ميمتي... وسكتت للأبد حين يكون الفقر والعمل القاتل وجهين لعملة واحدة

 سمر ، 19 سنة تخدم في معمل رندة بن عروس

دارهم زواولة امها ما عندها كان هي و اختها و رغم صغر السن رضات بخدمة المعامل

قبل بنهارين تمشي سمر تخدم كالعادة، خدمة تدوم 12 ساعة على دخل قيمته 500د رغم الي المعمل اذاكا يدخل في المليارات.

مشات سمر للخدمة و مشات تتفقد في مصعد البضائع هل فيه سلعة ام لا ودخلت راسها للمصعد ياخي طاح على راسها و البقية تفاصيل مؤلمة آخر كلمة قالتها "يا ميمتي" حسب زملائها في العمل و هي في الاصل قالت لامها راني خرجت نخدم بش نداويك 

سمر اليوم ماتت و فقدت حياتها لانه هذا المعمل يفتقر لشروط السلامة المهنية و الآلات الي يخدمو بيها من عهد فرنسا و حسب ما وصلنا المعمل هذا صاروا بيه و مزال يصير فيه برشا حوادث الي تطيح عليه شكارير الفارينة و فما الي طاحت عليها مروحة قصتلها ساقها و فما الي طاح عليه شريول السلعة هذا غير الي سنيهم طاحو خاطر البرودة متاعو -30 درجة 

رحم الله سمر.