الدكتور ‏زكريا ‏بوقيرة: ‏ ‏السيناريو ‏الأوروبي ‏قريب ‏جدا ‏من ‏تونس ‏و ‏نحن على ‏أعتاب ‏الكارثة. ‏

مرة أخرى يعود طبيب التخدير المثير للجدل زكريا بوقيرة الي الدعوة بضرورة فرض الحجر الصحر الاجباري الشامل  ، مؤكدا ان تونس  قريبة  جدا من السيناريو  الاوروبي واننا على اعتاب الكارثة، حيث دون على صفحته الشخصية بموقع التواصل الاجتماعي فايسبوك مايلي :


"هي حرب وحرب فيها بارشا درجات كل نهار خسائر جديدة قاعدة تصيركل نهار نزيدو نفيقو بحجم الازمة الي داخلين علاها لسوء الحظ سينارييو اوروبا في الموجة الاولى اصبح من غير الممكن اجتنابه. أما نجمو نحاولو على الاقل أننا نقصو في حدتو نمنعو الي نجمو نمنعوه. 


الحرب هذه معقدة وفيها بارشا اعداء. موش كان الفيروس السلطة عدو البهامة عدو الشعوذة عدو قلة الانسانية عدو التكبر على الطبيعة عدو فقدان الاحاسيس عدو.... هذما الكل اعداء لازمنا نتفوقو علاهم بش نربحو. موش ساهل نعرف أما كان بش نربحو الحرب هذه الكلنا لازمنا نتجندو لاها 100 بال100. 

ماعناش الكل نفس درجة الوعي وكان أنتي محظوظة وواعية هذه زادا مسؤولية زادا انك تتحرك للي ماعندوش هذا حتى كان يسبك حتى كان يحاربك.
هذه معركة قلبنا ما يعطيناش أننا ما نخوضوهاش.
أنا متأكد أننا سننتصر في النهاية أما من هوني لوقتها سنشن المعركة الى آخر درجة. كونو متهيئين للتصعيد وكونو زادا وثقين في انفسكم وفي النصر القريب.


 كأول حلبة مصارعة وليست الاسهل اللعبة بش تكون في التموقع على الانترنات. لازم حسنا يوصل ويكبر. لازم نحسو ويحسو الي نحنا لحمة واحدة. أننا اسطول كامل من الجيوش مستعدين بش يدخل في معركة القرن.

كأول خطوة نجمو نحطو الكلنا الDecor "أنا مع الحجر الصحي الشامل"
نجمو زادا في بلاصة ما نحطو UP# نبدلوها ب#حجر_صحي_شامل.
الهدف من الحملة أننا نكتسحو هذا العالم الافتراضي. وأننا نقنعو اكثر عدد ممكن من الناس قبل ما يفوت الفوة.
حجر_صحي_شامل
J-14

0/تعليقات/Comments

أحدث أقدم