"كان عندنا وزير صحّة يخرج للشعب كل يوم ولاّ يوم بعد يوم باش يڤوللنا ردّوا بالكم و ساعات باش يطمّننا و يڤولولنا ما تخافوش أزمة و تعدّي. كان عندنا وزير تفاصيل وجهه وحدها تحددّلنا شنوّة الوضع العام و وين ماشيين. كان عندنا وزير تنجّم تكون تتفرج في أيّ برنامج عڤاب الليل تلڤى المذيع يڤوللنا و معنا وزير الصحة مباشرة من مقر عمله.
كان عندنا وزير يتحرك مئات الكيلمترات يوميًّا من مستشفى لمستشفى. كان عندنا وزير كل نهارين نقطة صحفية و تجاوب كبير مع وسائل الاعلام المحلية و الدولية. كان عندنا وزير عمره لا صرّح و ڤال أنا "متغشّش مالشّعب". كان عندنا وزير بالفمّ و الملا. باختصار كان عندنا عبد اللطيف المكّي... و يوفى الحديث🖐🏻"
Tags
أخبار