"الي مقلقني :
موش الحوار الهاديء الي مليان بالرضاء والراحة ( وضعية الجلوس) في أخطر أزمة تمر بها البلاد .
موش المعلومات الغير دقيقة والمضخمة حول خسائر البترول ( حسب الخبراء )
موش عدم معرفة وضعية الاموال التي صرفت من 1818
موش الطلب من الناس عدم دفع فواتير العلاج في المصحات وان الدولة ستتكفل بها.
موش القول ان الطواقم الطبية مرضت في الاعراس والاجتماعات العائلية موش في الجبهة.
موش الحديث على الاوضاع في الشابة كموضوع داخلي قانوني في جامعة كرة القدم.
موش الحديث على تعديل المرسوم 116 في إتجاه بعض الأشخاص.
موش الاحساس أنك في حرب شرسة وان قائد الحرب رجع الكراسي المقاهي وقعد في قهوة في المدينة العربي يحكي في خواطر سياسية مع صديق.
لكن الي قلقني والي خوفني برشة أن بعض الصحفيين والمحللين الاذكياء عجبهم الحوار وصفقولو."
Tags
أخبار