الدكتور ‏زكريا ‏بوقيرة ‏يوجه ‏آخر ‏تحذير ‏: ‏"الان هي حرب في الافتراضي وعلى قريب كان الدولة ما تعلنش الحجر الصحي الشامل بش تتحول الى الواقع ‏

في تدوينة جديدة نشرها على صفحته الشخصية بموقع التواصل الاجتماعي فايسبوك دعا الدكتور زكريا بوقيرة مجددا الي ضرورة تطبيق الحجر الصحي الشامل قبل حصول الكارثة الكبرى، و دعا بوقيرة في تدوينة الشعب التونسي الي ضرورة مواصلة الضغط على الحكومة من أجل اعلان الحجر الصحي الشامل و خاصة على الدكتورة نصاف بن علية لانها حسب رأيه هي و لجنتها العلمية المتسببة في كل ما يحصل الان في تونس في تزايد أعداد المصابين بعدوى فيروس كورونا. 

وفيما يلي نص التدوينة:

"الى الان هي حرب في الافتراضي وعلى قريب كان الدولة ما تعلنش الحجر الصحي الشامل بش تتحول الى الواقع ولكن من هوني لوقتها لازمنا نمرجوهم. 

ما يحبوش يسمعونا؟ اتو نسمعوهم بالسيف علاهم.

ليوم نقترح عليكم هجوم افتراضي على شخصية خانت ثيقة التوانسة فيها. الشخصية هذه كانت من اكثر الشخصيات الي حبوهم التوانسة.

الشخصية هذه عقدنا فيها امالنا. آمننا انها بالرسمي تحبنا وتخاف على حياتنا. ولكن يا خيبة المسعى...

كانت لها هي محبة المناصب أهم من حب وثيقة التوانسة.المرى هذه خيرت انها تستجيب للسياسيين وتجاهلت حق التونسيين في الصحة.قبلت بحلان الحدود.نحات الحجر الصحي الاجباري للوافدين.

لونت البلدان من دون حتى أساس علمي.

بلجيكيا عداتها من الاحمر الاخضر في ليلة.

فرضت علينا سياسة التعايش الي هي ابادة جماعية.

ولليوم رافضة الحجر الصحي الشامل وقت الي التوانسة بداو يموتو في الكولوارات متع السبيطارات.

الشخصية هذه هي نصاف بن علية.

 

كطبيب توجعني اني نحكي هكة على زميلة واستاذة ولكن انتمائي الى الشعب التونسي أهم من انتمائي للطب.نقترح عليكم اذن بش نوصلو صوتنا بالڨدا أننا نحطو الكلنا تعليقق

#حجر_صحي_شامل تحت كل منشوراتها.

نحب كي تفيق غدوة الصباح تتفجع من الكمية الهائلة من التعاليق وتفهم أننا ماناش بش نسكتولهم."