"السيد هذا الي نصب بش يحكم فينا، بش يحمينا، بش يقود البلاد الى بر الامان. هذا السيد بسياسته تسبب في موت الاف التوانسة. الى الان اكثر من 2000 تونسي ماتو. وتأخيرهم في اتخاذ القرار سيتسبب في موت الاف اخرين كان موش عشرات الاف.
هو وباقي مسؤولي الدولة مازالو يستبلهو فينا. مطيشينا مع فيروس قاتل لادواء لا سبيطار لا انعاش و لا تلقيح. وقالك تعايشو جهدهم الكل يبذلو فيه بش يواصلو يقعدو فوق كراسيهم الدموية.
ما عندهم حتى مشكلة أنو الشعب يموت.
ما عندهم حتى مشكلة أنو الشعب يتعذب.
ما عندهم حتى مشكلة أنو البلاد تتحطم.
سياستهم بش تجيب الدمار للبلاد. سياستهم بش تدخل تونس في دوامة انهيار صحي اجتماعي واقتصادي لاجيال.هذا الكل كنا نجمو نتجنبوه. وممكن مازلنا نجمو نحدو منو كان يصير الحجر الصحي الايامات هذما. ولكنهم لا يستعرفون بالعلم.
لكنهم لا يستعرفون بالانسانية.
قلوبهم ماتو. هم عبيد المال والانتهازية.
هم عبدة الظلم والموت والظلام.
سيقودوننا بما لاشك فيه الى التهلكة.
سجل يا تاريخ من خان الشعب والبلاد...
#تسقط_دولة_الموت
#حجر_صحي_شامل
Tags
أخبار