في ‏رسالة ‏الي ‏وزارة ‏الصحة ‏: ‏وليد ‏الوقيني ‏يفضح ‏المسكوت ‏عنه ‏و ‏يعري ‏واقع ‏المنظومة ‏الصحية ‏في ‏تونس ‏

نشر  الناطق الرسمي لوزارة الداخلية السابق و الناشط بالمجتمع المدني وليد لوقيني عبر صفحته الشخصية بالفيسبوك تدوينة فيها نقد ولوم ورجاء لوزارة الصحة والمنظومة الصحية ككل التي اصبحت مهترئة أكثر من اي وقت مضى و تآكلت بمفعول الفساد المستشري في هذا القطاع الحيوي و اللامبلاة والتقصير و الصمت الرهيب عن كل ما يقع من تجاوزات اصبحت متكررة ومتعمدة داخل المؤسسات الصحية العامة والخاصة وهذا نص التدوينة:

و الله حبيت نسكت و أنشد روحي 

حبيت نعتبر روحي مولا الدار موش هنا 

لكن زايد  : 

يا وزارة الصحه  

يا وزارة الصحة  

يا وزارة الصحة 

يا عالم  حيرة المواطن تجاه منظومتوا  الصحية ؟؟؟ ههههه 

توا نندب  و الا نضحك  و الا نمشي  و نحكي  وحدي  

حيرة المواطن  في هذا الظرف بالذات  ...  هذا يتسمى بلاغ  مبهنس  يتبهنس  علينا  ..... 

اناهي المنظومة  الي غلطت في جثث باش تسلمهم  لعائلاتهم... الي الرضع  مدتهم  في كراذن  لوالديهم .... الي  لحدود  تحلت  و هانا نموتوا  كل يوم و هي تتفرج و ما قالتش  لا ميجيش  الشعب اتو  يفقد  فينا الثقة كان ترجع الكورونا ....  الي اعداد  الموتى تخلّط  فيهم  خلوط بعد مدة  ..   الّي الطبة هجوا  من تونس  .... الي دوايات  الامراض  المزمنة  بالرؤية  شهر ثما  و شهر ما ثماش  .... الي الكلينيكات  تعطي شاك  ضمان باش تداوي  ...  الي الاستعجالي تقولش عليه  خن  متاع دجاج  .... الي الدياليز  يبعد على مقرات  الاقامة  كيلومترات.. .  الي سبيطار  واحد يكشف  عالسرطان  حاشى من يتسنط ..... الي حضائر  واقفة  للتوسعة  أو الاصلاح  المستشفيات خاطر المقاولين  ما خلصوش  .... الي الموعد بعد عام  باش يرجع المواطن.... 

هاي معنوياتنا  و حيرتنا  حاسبوا  الفساد  تره حاسبوا  المقصرين  الي خرج الخبر من همكم  ولات  الناس تصدق كل شيء  و باش نتجاوزوا  احكات الناس بنكته .... و الّلي .... و اللّي  ..... و بالله الواحد  كان موش  طرف العقل الي مزال  فيه ما يحكي اكثر  ..... باهي فينهم  الي دخلوا  اللوالب  الفاسدة ؟؟؟؟ 

فعلا  ثقتنا  في المنظومة الصحية معدومة موش مهزوزة برك و نحن موش في حيرة  نحن فتنى  الحيرة  من غادي  و نخمموا  اش نعملوا  باش نمنعوا بلادنا و نمنعوا  رواحنا  منكم  و ثقتنا  في البلاد  الكل انعدمت من هاك العام  و السبب  انتوما  و نتمنى  تشكيو  برواحكم و وقت الي نشوفوكم  تتحاسبوا  اتو ترجعلنا  الثقة  خاطي هذا كله ظلم  على الظلم و كذب عالكذب  و وهم  عالوهم    .... 

طبعا نحترموا الاطار  الطبي و الشبه الطبي الي هو بيدوا  اعاني  معانا منكم في شهاريه  و ظروف عملوا...  اما اصحاب القرار  الكل ليست لنا فيكم  أدنى ثقة   و هاني نعاودها لانو الاحترام  اجي من تحمل المسؤولية .... موش بعد ما خلات  قالك  قرار فتح  الحدود  بضغط  سياسي  حقا

 لا احترمكم  

لا احترمكم

  لا احترمكم 

 الف الف الف مرة نقولها  لا احترمكم....  و النفي ارحم من العيشة معاكم و  السجون ارحم  مالحرية  معاكم .....

نقلكم  اسجنوا  شعب كامل  حقيقتكم  ريناها  و حسيناها  الكل 

و انا ادعوا  لعريضة  شعبية لفتح  تحقيق  فيمن  اذنب  و تسبب  في الي نعانيو  فيه توا  و دون استثناء  ... 

نتمنى نراكم  تتحاسبو 

باش ترجع ثيقتي  في بلادي  

باش ترجع ثيقتي  في غدوة  

باش نتمنى على اولادي  و اولاد تونس غدوة

نتمنى  

نهار  تتحاسبو  

نتمنى  حتى اعاتبوكم  يا سيدي  

و احاسبونا  نحن على سكوتنا  

نتمنى