وصفات ‏الطبخ ‏: ‏كيفية ‏تحضير ‏" ‏ملسوقة ‏دياري" ‏في ‏المنزل ‏بطريقة ‏سهلة ‏و ‏بسيطة. ‏

مع إقتراب شهر رمضان المعظم تلجأ عديد ربات البيوت الي تحضير "ورق المسلوقة" و سوف نقدم لكم في هذا المقال طريقة سهلة و بسيطة لإعداد الملسوقة التونسية في المنزل:

المقادير 

150 غرام فارينة

150 مليلتر ماء

1.5 مغرفة كبيرة نشاء

1.5 مغرفة كبيرة زيت

1 رشة ملح

طريقة التحضير

1 - حطّ في الخلاط: فارينة + ماء + نشاء + زيت + ملح واركضهم مليح لمدة 5 دقائق

2 - صب العجينة إلّي باش تلقاها خاثرة شوية في صحفة

3 - سخّن طنجرة ماء

4 - حطّ مقلى فوق الطنجرة

5 - خوذ فوشة وغطّسها في العجينة وادهن بيها القلاية

6 - عاود العملية لين تتحصل على ورقة ملسوقة تطيب في ظرف من 2 لـ3 دقائق

7 - كمل كمية العجينة الكل وما تنساش تحطّ منديلة بين أوراق الملسوقة

8 - خلّي الملسوقة تبرد مليح ومن بعد قسمها حسب الحاجة وحطّها في ساشيات وخبّيها في الكونجيلاتور

باش يكون تحضير الملسوقة ساهل عندك، حطّ المقلى فوق الطنجرة بالمقلوب وطيب على قفاها و لا تنسي إخرج أوراق الملسوقة من الثلاجة نص ساعة قبل الاستعمال.