Breaking

الدكتور ‏ذاكر ‏ليهيذب ‏يحذر :يا توانسة "ماتفرحوش برشه" الموجة القادمة من كورونا راهي في سبتمبر ‏/صورة

هذا ما دونه منذ قليل الطبيب  بالمستشفى العسكري، الدكتور ذاكر ليهيذب على صفحته الرسمية بموقع التواصل الاجتماعي فيسبوك: 

باهي توا بدينا نسجلوا  في هبوط طفيف في الحالات وبعد عدد كبير من الوفيات الله يرحمهم ويصبر عائلاتهم وبعد توفير الاكسيجين في كل المستشفيات ، يمكننا التفكير بأكثر هدوء وروية.

الموجة هذه عالمية والنزول في الارقام هو عالمي.
اش نعملوا ؟
نرجعوا للنطيح السياسي؟
نبداو نحضروا في الانتخابات القادمة و الشيخات في الصيف؟

ياعالم الموجة القادمة راهي في سبتمبر والتحضير لها يتم من الان .
يلزمنا  نلقحوا ل100% من الكهول من هنا لآخر الصيف .
يلزمنا نطلبوا من شركات التلاقيح الجرعة الثالثة لاي إحتمال تغيير السلالات .
يلزمنا  نصنعوا التلاقيح في تونس والمساهمة في تحويل التكنولوجيا لان العالم سيكون عرضة لفيروسات أخرى.
يلزمنا نوفروا أقسام إنعاش في كل ولاية.
يلزمنا نرجعوا الاطباء متاعنا الي إكتسبوا خبرة في العالم أجمع وتشغيلهم بنفس ظروف عملهم في الخارج.

#غدوة_خير

Post a Comment

أحدث أقدم