رسالة عاجلة الي وزارة النقل و الشركة الوطنية للنقل بين المدن.( ‏وثائق) ‏

رسالة إلى وزارة النقل و الشركة الوطنية للنقل بين المدن:

هناك عدد من الاعوان و الموظفين في الشركة الوطنية للنقل بين المدن عندهم مدة يتعرضوا لكل انواع الهرسلة و كرهوهم في حياتهم... 

خاطر قاموا بالتبليغ على ملف فساد ثقيل إلى الهيئة الوطنية لمكافحة الفساد و تم سماعهم في القطب القضائي المالي كشهود في ما يخص صفقة إقتناء حافلات... و القضية هذي سبق و وقع  نشرها بالوثائق و تحكم فيها المدير العام للشركة الوطنية للنقل بين المدن كريم الدواس بالسجن و لليوم هو في السجن بعد ثبوت تورطه في التلاعب بالاموال العمومية في صفقة الحافلات...

و لكن الريزو متاع الفاسد كريم الدواس في الشركة الوطنية للنقل بين المدن لتوا قاعد يخدم... الاعوان و الموظفين هاذوما منذ تلك القضية قاعدين يتعرضوا لكل انواع الهرسلة و خاصة عمليات النقلة التعسفية... مثلا واحد منهم من تونس عملولو نقلة تعسفية لسليانة و بعدها بشهرين عملولو نقلة تعسفية لسوسة... بخلاف الهرسلة... و فما إلي في 5 شهور تقريبا دوروه على تونس كاملة بعمليات نقلة تعسفية... شماتة و تنكيل...

هذي رسالة لوزارة النقل... شوفوا موضوع الشركة الوطنية للنقل بين المدن... خور كبير و فساد اكبر... و للتوا الريزو متاع المافيا قاعد يخدم... (وقيت إيقاف نزيف الفساد )