عاجل بالصور / تحذيرات عاجلة من طبيب تونسي مختص من موجة جديدة من كورونا بأرقام وفيات هي الأكبر على الإطلاق.. |موزاييك نيوز

موقع موزاييك نيوز_ كتب الطبيب المختص زكرياء بوقيرة على صفحته الرسمية بموقع التواصل الاجتماعي فايسبوك، مجموعة من التدوينات و هذا نصها  : 

- كان يصير فينا كيما صاير في هوغ كونغ توة فإن موجة الدلتا متع جوان جويلية بش تولي تضهر حكاية فارغة قدام الي يستنا فينا

لازم الدولة تتحرك توة

موش وقت تفدليك الأمر جدي للغاية

نحن ممكن الان قبل اسوء كارثة منذ بداية الوباء

الحدود لازم تتسكر توة ويرجع الحجر الجباري للوافدين

متحور BA2 يكتسب تحول جيني جديد يجعله اكثر قتكا ويغرق هونغ كونغ في اسوء موجة منذ بداية الوباء

كيما تشوفو في الصورة فإن عدد الوفايات على كل مليون ساكن فات نسب وفايات موجة الدلتا في تونس

على الدولة التونسية التحرك فورا قبل ما تصير كارثة جديدة في البلاد

ردوا بالكم الكوفيد قاعد يرجع. 

وفيما يلي نص ال تدوينة و الصور : 

في تدوينة أخرى كتب بوقيرة :

الحاجة الي نساو ما قالوهالكمش في تعريف سياسية التعايش اننا بش نقعدو عايشين موجة بعد موجة إلى مانهاية 

ومع كل موجة آلاف التوانسة تموت

في المقابل فما سياسة تخرجنا من الازمة نهائيا والى الأبد في ثلاثة جمعات 

وماعاد يموت حد 

السياسة هذه هي سياسة الصفر كوفيد الي خلات دولة كيما الصين ما عاشت كان موجة وحيدة وين على مليار ونصف بشر ما ماتو كان أربعة آلاف شخص 

قداش بش نواصلو في التفاؤل الزايف والوهم؟

و اضاف الدكتور المثير للجدل، في تدوينة ثالثة :

ما فديتوش من العيشة بالكورونا؟

قداش من عام اخر مستعدين نضيعوه؟

هذا الكل ما تنجمش الدولة تقص الكريديات والشكات والفاتورات ثلاثة جمعات وتعاون العباد المحتاجة مباشرة ونسكرو الموضوع نهائيا؟

هذا الكل حياتنا ما تسوى شيء؟

هذا الكل ثلاثين ألف ميت ولتوة لا شعفو؟