التونسي يستطيع زيارة 62 بلد بدون فيزا منها الاروبية تعرف عليها

جواز السفر التونسي  في المرتبة 74 عالميا والأول مغاربيا وينجم يهزك ل62 بلاد من غير فيزا.. حبيت نعاونكم وحاولت نقسمهم باش نسهللكم الإختيار ..

* البلدان المتقدمة   :


1- كوكب اليابان: Le pays du soleil levant.. إي نعم بابا.. تنجم تمشي وتتمتع بالمزيج الunique متاع الHistoire, الAuthenticité والتكنولوجيا والتقدم.. عندك الحق تقعد 3 شهور..

2- كوريا الجنوبية: Le pays du matin calme .. من Séoul ل Busan لجزيرة الأحلام Jeju Island , مرورا بالzone démilitarisée بين الكوريتين.. تنجم تقعد 3 شهر..

3 – هونغ كونغ: الصين بالVisa أما تنجم تمشي لوحدة من أقوی مقاطعاتها وتستمتع بالles grattes-ciel متاعها ..

4- ماكاو: كيف كيف.. من أغنی المقاطعات الصينية

5- البرازيل: بلاد الSamba والقهوة والموزيكا والجو اللاتيني.. بلاد عملاقة علی جميع المستويات..

*البلدان العربية:

6- 3 شهور في الجار الجزائري من وهران لجبال الHoggar والصحراء..

7- الجارة ليبيا

8-المغرب: 3 شهور عندك الحق..  المتعة فيها  من طنجة للعيون..

9-موريتانيا:  .. فيها بلايص يفتقو وموش غالية جملة وكيف كيف 3 شهور..

10- الأردن وعجيبة البتراء.. عندك الحق في شهر

11- جزر القمر: بلاد عربية ياسر مزيانة .. جوهرة المحيط الهندي.. عندك الحق في شهر


*بلدان قراب لأوروبا ولا في أوروبا:

12- تركيا: بلد السياحة و  الجمال .. 3 شهر..

13- صربيا: يوغسلافيا سابقا ..

14- جورجيا: فيزا إلكترونية  ساهلة ياسر  .. بلاد ياسر شبابة في قلب القوقاز..

15- أذربيجان: فيزا تحصل عليها عند الوصول  ب100 دولار تاخو شهر.. بلاد في القوقاز

*بلدان أمريكا الجنوبية:

16- بوليفيا وبحيرة تيتيكاكا الأسطورية وحضارة الانكا.. فيزا تحصل عليها عند الوصول  ب53 دولار  3 شهور ..

17- الإكوادور:   .. 3 شهور مجانا .

18- الBelize: بلاد في قلب أمريكا الوسطى.. عندك الحق في شهر..

*البلدان الأسيوية:


19- أندونيسيا وال2000 جزيرة متاعها.. شهر ب25 دولار تاخوها في المطار

20- ماليزيا: 3 شهور والبنة متع ses îles paradisiaques وكوالالمبور.


21- الفليبين:   وحدة من أزين البلدان في جنوب شرق آسيا..

22- منغوليا: بلاد جنكيز خان..

23- النيبال: 40 دولار في المطار .. أعلی بلاد في العالم.. بلاد الهملايا  . بلاد روحية بإمتياز..

24- بنغلاديش: الهند الصغيرة ودلتا الغانج الأسطورية..


- طاجيكستان: جوهرة طريق الحرير وأسيا الوسطى.. عندك الحق في شهر ونصف..

26- لاووس: رخيصة ياسر وشبابة ياسر للي يحب aventure في الindo-chine .. في المطار تاخو visa بشهر ب30 دولار..

27- كمبوديا: الخمير الحمر والمعابد الي في وسط الغابات المطرية.. ياسر رخيصة بالنسبة للتونسي.. 30 دولار تاخو visa في المطار بشهر..

28- تيمور الشرقية: بلاد في أقصى الأرخبيل الأندونيسي.. تنجح..

*البلدان الإفريقية:

29- مالي: 3 شهور.. دورة في باماكو وطلعة ل Tambouctou.. مدينة في Patrimoine culturel de UNESCO

30- السينغال: Dakar وريقها.. والHumour sénégalais unique

31- الكوت ديفوار: 3 شهور.. البنة متاع خليج غينيا..

32- غينيا: 3 شهور.. من أحسن ما تشوف في إفريقيا الغربية..

33- غينيا بيساو :  من أحسن ما تشوف

34- النيجر: بلاد ثاني أكبر نهر في إفريقيا.. للي يحب يعرف الصحراء من جزئها الجنوبي..

35- رواندا: بلاد الألف هضبة.. المعجزة الإفريقية.. وعاصمتها Kigali أنظف مدينة في إفريقيا.. visa ب25 دولار في المطار

36- أوغندا : 6 شهور في المطار الvisa ب50 دولار.. بلاد بحيرة Victoria الأسطورية منين ينبع النيل..

37- تنزانيا: بلاد الكيليمنجارو والسافانا.. بلاد Zanzibar وأقوى safari في العالم.. visa ب3 شهور ب50 دولار في المطار..

38- الموزمبيق: فيزا تحصل عليها عند الوصول  ب25 دولار..

39- زمبيا: الشلالات لي تحبس المخ . .. الفيزا ب50 دولار في المطار

40- الطوغو: فيزا تحصل عليها عند الوصول ب60000 فرنك إفريقي تتعطى في المطار..

 .. سافروا.. السفر مدرسة.. متعة..



إرسال تعليق

أحدث أقدم

نموذج الاتصال