بعد تسببه في كشف و إيقاف المشعوذ "بلقاسم"..هذا ما كتبه حمزة البلومي

بعد تسببه في كشف و إيقاف المشعوذ "بلقاسم"..هذا ما كتبه حمزة البلومي:  شكرا للجميع على الكم الهائل من التفاعل مع حلقة الحقائق_الأربع وكشف بلقاسم وجرائمه.. برافو لخليل زروق ولبنات وأولاد الحقائق الكل.. أنا فخور بيكم خاصة في كل مرة نساهمو في تخليص المجتمع من جرثومة.

درجة خطورة بلقاسم خلاتنا المرة هذا نوصلو لدرجة أننا بعد التصوير مباشرة البارح نقلنا الضحايا للقرجاني وين تقدمو بشكاية.. بعدها تم إيقاف بلقاسم والاذن بالاحتفاظ بيه.

توا بلقاسم توقف عن جرايمو لكن.. قداش فما من بلقاسم في البلاد ؟ علاش فما ناس توصل تصدّق الخزعبلات هذي ؟ كيفاش انداويو رواحنا من بلقاسم وتوابعه؟