بالفيديو / تصريح خطير.. طارق الكحلاوي : لهذا السبب أقال قيس سعيد والي الكاف مختار النفزي من مهامه.

في تصريح خطير جدا، المحلل السياسي طارق الكحلاوي كرونيكور برنامج في 90 دقيقة على إي أف أم، يكشف سبب  إقالة رئيس الجمهورية قيس سعيد لوالي الكاف مختار النفزي من مهامه. 

وقال الكحلاوي:” شوف أنا بخلاف هذا توة فما أحد الأخبار اللي خرجو خبر إقالة والي الكاف في الويك أند… أنا كنت ننتظر وقتلي حكيت نهار الجمعة على جرجيس، وقتلي استدعينا أحد الناشطين، وقلنا تعرف شنية المشكلة توة في البلاد، أول والي مالمفروض يقع إقالتو لأنو يمثل مشكلة في السلم الأهلي في منطقة حدودية ومدينة مهمة جدا في الجنوب، اللي هي جرجيس، 

مالمفروض والي مدنين تقع إقالته، أما لم تتم إقالته بالرغم اللي غير قادر على أداء دورو في موضوع رئيسي ومركزي لأنو معروف اللي قريب جدا للرئيس، في المقابل، وقتلي أحنا نستناو بش تتحل مشكلة جرجيس أنو الرئيس يعمل إجراء يوري فيه راهو سايي بش ندخلو مرحلة جديدة وبش نبدلو طريقة التعامل مع الملف إلى آخره نسمعو فجأة إقالة والي الكاف، من غير وضوح، 

أنا يا خويا اللي بلغني وخلينا نسألو الأطراف المعنية الكل.. أنو والي الكاف لم يتعاون بالشكل الكافي في فتح مكاتب التعريف بالإمضاء في نهاية الأسيوع وهذا هو السبب الرئيسي لإقالته من قبل رئيس الجمهورية اعتبر تقصير…”.