مؤثر جدا : بعد مرور أسبوع على وفاتها..حنان الشقراني تكتب عن صديقتها الفنانة فائزة المحرصي. (صور)
و نشرت حنان الشقراني على صفحتها الرسمية بموقع التواصل الاجتماعي فيسبوك التدوينة التالية:
الله يرحمك يا حبيبتي جمعة تعادات على فراقك،ما أمر رحيلك يا فايزة الغالية قداش مر،اما انا نحس لانت في مكان خير من هنا،ونحس لانت في مكان كله حب و صدق و راحة أبدية،انت مشيت اما الكل اليوم يحكيو على طيبتك و صدقك و محبتك للكل و تسامحك مع الكل و هذاكة الي هزيتو معاك و هذيكة اثمن حاجة كسبتها في الدنيا،
عمري ما ننسا لكيف نجيب بحذاك و انت مريضة في الفرش و نقعد بحذاك تبدا تسال في على ادق تفاصيل حياتي اش کلیب شنوة عملت شبيني تاعبة شبيني......و ما تخليني نروح كان وانا متعشية و متفرهدة و تبدا تطمن في عليك،فايزة وخيتي انت تهزلي في المورال و تبعث في في الحياة و انت قاعدة تودع. فيها.
نحب نطمنك حبيبتي ونقلك انت فايزة اسم على مسمى لانك فزت بمحبة كل القلوب و ما كذبتش كيف كنت نقدمك في الحفلات و نقول حبيبة الملايين لانك فعلا انت حبيبة قلوب الملايين،ارقد و ارتاح يا باهية وانشالله مسكنك الجنة ربي يرحمك يا غالية 8 ديسمبر سيبقى يوم فارق في حياة كل من أحبك.
Tags
منوعات