ألفة بن رمضان باكية تروي اللحظات الأخيرة للفنانة فايزة المحرصي :لبارح كنت معاها لاخر وقت و هذه رسالتها".(فيديو)

ألفة بن رمضان باكية في برنامج  موجة صباح مع عفيفة بوكيل:


ربي يرحمها ، فنانة عزيزة برشا على قلبي وعشرة ، فايزة باهية ... انسانة طيبة برشا وصاحبة الناس الكل وتاقف معاهم الباهي والخايب ديما موجودة ترمي روحها .. ماتجبد حد ماتعملش مشاكل ، محترمة ماتشكيش همها حتى كي تبدى بيها حاجة ... ربي يرحمها ، 


لبارح كنت معاها لاخر وقت ودعتها وبستها وهذيكا ثنية العباد الكل عند ربي خير ارحم عليها منا أحنا ... باش تخلي بلاصة كبيرة ، وجيعة صعيبة ربي يرحمها ... فايزة تحب الحياة والضحكة ديما كل مرة تبعثلي نكتة ماتحبش الحاجات الخايبة ...


 ماتت في نهار فضيل وتتصلى عليها صلاة الجمعة ... مشات وهي مؤمنة وراضية بقدر ربي وصابرة بحكمو وهذاكا حد عمرها .. أنا فقدت صديقة عزيزة منيرة حمدي وتوا فايزة ربي يرحمهم ... 


مانجموش ننساوها كيما مانسيناش منيرة وحسن وبرشا فنانين منجمناش ننسوهم بسهولة ... ادعيولها بالرحمة وتوا مستحقة للدعوة بالرحمة هذيكا أهم حاجة

إرسال تعليق

أحدث أقدم

نموذج الاتصال