فائزة بالجنة ان شاء الله.. تدوينة مؤثرة جدا لروح الفقيدة فايزة المحرصي.

الإعلامية عفيفة بوكيل تكتب فائزة بالجنة ان شاء الله.. تدوينة مؤثرة جدا لروح الفقيدة فايزة المحرصي:

"مانجمش نرجع للحياة و الدنيا إلا ما نحكي هالكلمتين ..اي نعم نرجع للحياة بعد ما خرجت من دار فائزة ..موتها كسرني وجعني..و شفت أصحابها و أحبابها و عائلتها ..

 في لحظة انكسار و حزن حسيت الدنيا ظلمة و كاينني حسيت بوجودها في وسطنا تضحك تتبسم و فرحانة بأحبابها في دارها .. نقوللها تصاورك و بالأحرى تصويرتك اللي حبيتها انت تقعد عند الناس راهي أحلى و أحلى بفعلك اللي عملتو بطيبتك و للخير اللي عملتو توة يوصلك و تلقاه بإذن الله .. انت في دنيا أحلى و أجمل و أطيب ك قلبك الطيب 

ما نعرفش شكون جاء بعدي أما كلنا روحنا و مازالت الناس تبكي عليك و مازلت انا حزينة على فراقك و ندمت على آخر مرة كيف قتلي أطلع بحذايا قتلك انا قتلك لا .. 

فائزة بالجنة ان شاء الله ديما في قلبي ما نجمش ننساك انت و منيرة ..الله يرحمك و يرحمها و يجعل الجنة مأواكم .. في وديعة ربي خير"