نوفل الورتاني : "ريم الحمروني ، اللي اكتشفها في التلفزة نقلو راك ما تعرف شي "..(فيديو)

نوفل الورتاني في برنامج ديما لاباس على اذاعة الديوان اف ام يتعب الراحلة ريم الحمروني :

نوفل الورتاني : "ريم الحمروني ، اللي اكتشفها في التلفزة نقلو راك ما تعرف شي "..(فيديو) 

ما تعرفش ريم على خشبة المسرح ، ريم اللبة ... ريم اللي مسرحيي الشرق الكل يدعيوولها بالرحمة ،خاطر عرفوها مع قنون الاب و البنت ، في سوريا و الاردن و العراق... و غيرو ... ريم المناضلة ... ريم اللي قالت لا في عهد بن علي .. ريم اللي تضربت بالقاز في المظاهرات ... اللي نهار 14 جانفي قدام وزارة الداخليه بجنب راضيه النصراوي...

 ريم النسوية... اليسارية ، المدافعة الشرسة على حقوق الانسان و المرأة و الاقليات ... ريم اللي تمسكت بلهجتها... و باصالتها و حنتها القابسية و بلونها... بنخلة وادي البي... ريم الاعلامية اللي عملت مئات الكرونيك في الراديو... تطرقت لكل المواضيع الاجتماعية بجدية و بضمار و برشا وعي... 

ريم اللي تعرضك بااضحكة... ديما موجات ايجابية... ديما زاهية... محبة كبيره لريم... حضور كبير لبارح في دارها في العاصمة... كل الجمعيات المدافعة على الحقوق و الحريات هبطت بيانات نعي لانو ريم في يوم من الايام وقفت معاهم... و ما بخلتش لا بوقتها لا بجهدها في انها تحضر في الاجتماعات و الوقفات و التظاهرات 

ريم الفنانة المثقفة المناضلهطة... ترحل في صمت 

موتها كان فاجعة لينا كاذاعة... نعزيو عايلتها... بنتها... نعزيو رواحنا... نعزيو الوسط الفني... ربي يرحمك ريم و يتقبلك برحمتو الواسعة...و ان شاء الله تحرس بنتك بروحك... وان شاء الله ترفعلك راسك كيما تمنيت"