و قالت الاعلامية باذاعة الديوان fm أميمة العياري في برنامج الوحش بروماكس على قناة الحوار التونسي مع الإعلامي سمير الوافي:
"انا عرست في 2020... العامين لولانين كان اختيار مني اني نؤجل.. و مبعد ولات عندي الرغبة بش نجيب صغير... وقتها فقنا الي عندي مشكلة الي هي "بطانة الرحم المهاجرة" و المرض هذا يعطل الإنجاب.. مرا على عشرة في تونس عندها المشكلة هاذي و يعمل صعوبة في الإنجاب.
و من هوني فقت و تسائلت علاش ما نمشيوش لطبيب النساء قبل العرس علاش نمشيو كان بعد العرس... الطفلة كي تمشي قبل العرس كان عندها مشكل تنجم تلقفها على بكري...
بالطبيعة كي عرفت مشكلتي في لول غاضتني الحكاية وتقلقت و تسأل تقول علاش انا و تولي تحس بالذنب و تقول انا مذنبة و تسأل روحك زعما بش نولي أم ولا "
و بعد مرورها التلفزي و ما خلفته الحلقة من ردود أفعال و مساندة و متعاطفه مع قصتها نشرت أميمة العياري التدوينة التالية
معرفتش منين بش نبدى
وصلوني برشا برشا ميساجات و برشا نساء حبوا يشاركوني حكايتهم و قداش فرحت الي قلتولي راك وصلتنا صوتنا و
راك بردلنا على قلوبنا
وصلني برشا كلام متع حب و تشجيع و كلام حلو و قد ما
بش نقول مانيش بش نوفيكم حقكم
بلحق قداش محلاكم ، قداش فما ناس باهيه
منجمتش نجاوب الناس الكل سامحوني
اما قد ما نقلكم شكرا و عيشكم و شويه
الحمد الله الي كلامي وصل لبرشا ناس
الحمد الله الي وصلت الي نحب عليه و ان شاء الله نجمت حتى نغير شويه من العقليات الي موجوده و الافكار
الغالطه .
و كل مرا تتعدى بهالمرحله حط في بالك الي انت راك ما تسخفش بالعكس انت مرا قويه و ربي اختارك خاطرك قويه و تنجم تتحمل 🌸
لا يكلف الله نفسا الا وسعها
شكرا نبعثلكم برشا حب 💖
Tags:
منوعات