ياسين ‏العياري ‏يؤكد ‏: ‏سوف ‏نقوم ‏بفتح ‏ملف ‏فساد ‏" ‏الغول" ‏وديع ‏الجرىء... ‏التفاصيل.. ‏

في تدوينة نشرها على صفحته الشخصية بموقع التواصل الاجتماعي فايسبوك أكد النائب بمجلس النواب ياسين العياري ان حزب امل و عمل انه سوف يقوم بفتح ملف فساد رئيس الجامعة التونسية لكرة القدم وديع الجرىء بعد عديد التشكيات التي وصلته  . وفيما يلي نص التدوينة:


"فريق نزع الريش لأمل و عمل سيفتح ملف وديع الجريء، هذا الغول الذي يخافه الجميع على ما يبدو، المدعوم سياسيا، الي في السر في ال off الناس الكل تسب فيه و تحكي على شبهات التجاوزات متاعه، لكن في العلن الأغلبية يلبدو خوفا! السيد الي يسمح لنفسه باش يلعب بمصالح الشعب التونسي (منصب رئيس ال caf أقوى منصب ديبلوماسي في إفريقيا) و يبيع الطرح للمغرب و لأحمد احمد لاجل مصالحه الذاتية.


لا عندنا جمعية باش إتطيحها أو تعرقلها يا وديع، لا عندنا شكون يصرف علينا باش تضغط عليه و داعميك السياسين في المجلس أو خارجه و أصحابك و لوبياتك ما يأثروش فينا و ما يخوفناش!
عمليا، - سنساند هلال الشابة مساندة تامة بكل الوسائل و الطرق التي يمنحها القانون و نتبنى كل طلباتها في الشفافية و المحاسبة.





- بما أن الجامعة تتمتع بفلوس دافع الضرائب، سنطلب مهمة تفقد مالي معمق من محكمة المحاسبات، مهمة تفقد من وزارة الرياضة.
- سينكب الفريق القانوني لأمل و عمل لإستحداث نصوص تشريعية و قوانين جديدة، لتكون بالقانون الأولوية في إعطاء الترشحات للمنظمات الرياضية الدولية للتونسي الاكثر حضا في الفوز.
- سيتكلف الفريق الإستقصائي لأمل و عمل في البحث على طارق بوشماوي، إن تعلقت به شبهات فساد من أي نوع.

الميدان الرياضي جديد جدا على أمل و عمل، اذا ثمة شكون مختص في القانون الرياضي، عنده أفكار أخرى، إقتراحات، نحن على الذمة، و كيف العادة : مستعدين نخدموا مع الناس الكل، الكل!  في ما فيه مصلحة تونس، في ما ينفع الناس.
صحيح إمكانياتنا شوية، لكن ماكم جربتونا : نفعل ما نقول و نكبشوا ما نسيبوش! 
#ما_ينفع_الناس
#أمل_و_عمل"

إرسال تعليق

أحدث أقدم

نموذج الاتصال