الدكتور ‏ماهر ‏العباسي ‏يهاجم ‏رئيس الجمهورية ‏:من حقنا نعرفو أدقّ التفاصيل خاطر سيشهد عليك الله والشعب والتاريخ

على خلفية الهبة الإماراتية لتونس و ما خلفته من ردود أفعال متباينة و لغط، هاجم الدكتور ماهر العباسي رئيس الجمهورية قيس سعيد بشدة،من خلال تدوينة نشرها على صفحته الرسمية بموقع التواصل الاجتماعي فايسبوك وهذا نصها: 

فمّة قاعدة ساهلة ياسر في الدنيا هذي : 

كي تبدا صادق وأمين ونظيف تكون بالضرورة شفاف خاطر ما عندك ما تخبّي .... كيف تجيك هبة متاع 1000 تلقيح تعلن عليهم وتشكر الدولة الي عطاتك ( إنت جرد تلفونات جاتك في محاولة التسميم المفبركة عملت بيهم قاوق وهبطتهم في الCNN ) 

وخاصة تنشرلنا بصفة شفافة وواضحة شكون تمتع بيهم خاطر من حقنا نعرفو ... وتقلنا وقتاش خذيتهم ... وعلاش خبيت الخبر وإنت كيف جاك صاحبك طلّ عليك في القصر هبطتها في صفحة الرئاسة .....  من حقنا نعرفو أدقّ التفاصيل خاطر سيشهد عليك الله والشعب والتاريخ.