أول ‏تعليق ‏من ‏الدكتور ‏زكريا ‏بوقيرة ‏على ‏قرارات ‏الحكومة ‏للحد ‏من ‏تفشي ‏فيروس ‏كورونا. ‏

في تعليق على القرارات الجديدة المعلنة مساء اليوم من طرف رئاية الحكومة للحد من تفشي فيروس كورونا، دون الدكتور زكريا بوقيرة على صفحته الرسمية بموقع التواصل الاجتماعي فايسبوك، مايلي: 

مجابهة الأوبئة مبنية على حاجتين أساسا العلم والقلب. 

العلم يعطيك التشخيص الصحيح 

يعطيك اقرب قرائة  للواقع مبنية على قواعد الكون 

العلم هو طريقة تفكير قبل كل شيء

العلم يعلمك كيفاش تلقى الحلول وكيفاش تطبقها 

اما العلم موش كافي. 

العلم تخطار إنتي الثنية وهو يوريك كيفاش توصل. 

تنجم كي يبدأ ما عندكش قلب وتقرر ان حياة آلاف التوانسة ما عندهاش قيمة تخطار تتعايش مع الفيروس وتعمل شطر إجراءات  لا تمنع بيهم الاقتصاد ولا العباد .

هوما لا عندهم علم ولا عندهم قلب. 

الي نعيشو فيه توة هي قصة حزينة لشعب أسير حكومته قد قررت بكل وقاحة إعدام عشرة الآلاف منه. 

الإجراءات الي خذاوهم لن تقضي على الفيروس بل ستقضي على تونس     

كان جاو بالرسمي يحبونا ويجبو بلادهم الأزمة تتحل في شهرين. قادرين نقضيو على الكورونا نهائيا والى الأبد في شهرين. نرجعو لحياتنا الطبيعية بلاش تباعد بلاش خوف بلاش مرض وبلاش موت. 

الحلول موجودة. 

اما الي يحمو فينا خانونا. 

ربي يحميكم من اي مكروه

الأزمة مازالة مواصلة

#حجر_صحي_شامل