الدكتور فوزي المهدي الي تم البارح انهاء مهامو موش اقالتوا من وزارة الصحة هبط الصباح نص بارد سارد على صفحتوا على فايسبوك تقول اقالتو أو إنهاء مهامو ( كيما يحلو للمشيشي تسميتها ) تمت في ظروف عادية تنحيته الكل نعرفوا الظروف الي جات فيها و البارح رئيس الحكومة عمل صابونية لوزير الصحة المنحّي عدوا باش اقول انو كارثة تشيرنوبيل وراها وزير الصحة ، بطريقة اوقح منها سياسيا ما ثماش و هو الي كسرلنا ريوسنا بكلمة الي هو رجل دولة و عمل سلوك منافي لكل نواميس الدولة .
دكتور في كل الاحوال رغم مجهودك لكنك ما كنتش وزير ناجح لكن شرف المحاولة يجعل الكل يحترمك ، أما راو من المفروض اتفهمنا الي صار لبارح
بالحق قررت وحدك الحملة ؟
بالحق ما علمت حد ؟
بالحق نبهوك على عديد الازمات و انت تقاعست ؟
و غيرها مالكلام الخطير الي قالو اكالمشيشي البارح في مقر وزارة الصحة
ياخي بالحق ندهت تخدم وحدك دون تنسيق ؟
برشا اسئلة يلزمك تجاوب عليها الرأي العام و هذي قصة التحفظ اولا ميش باش تنفع تونس .... و ثانيا ميش باش تنفع تاريخك انت زاده .... غدوة في التاريخ باش اقولو رئيس الحكومة قال هاو علاش اقلتوا و التاريخ موش باش اقول الوزير تحفّظ باش اقول الوزير المنتهية مهامه ما جاوبش .... و حديثك عالواجب و عدم الانخراط في السياسة مردود عليه لانو هوما اقولو انك كنت في خدمة رئاسة الجمهورية و هذا موش عيب لكنو موقف سياسي ، اليوم نحبوا اجابات دقيقة موش كلام فضفاض .....
مسؤوليتك اليوم إنارة الرأي العام الي صار لبارح موش شوية و اساء لصورة تونس برشا يلزم توضيح و خطاب الشكر للي خدموا معاك هذي مسألة بروتوكولية تتقال في كلمة التسليم و زايد نشرها ....
الي اهم الشعب اليوم
هل بالحق خدمت وحدك أو انك حبيت تخدم ياخي خدموا عليك ؟؟؟؟؟؟
الي اهم الشعب اليوم
اشنوه الي صار ؟؟؟؟؟؟
#وليد_الوقيني
Tags
أخبار