الاعلامية مريم بالقاضي : إحشموا على رواحكم جيبوا التلقيح. ‏ ‏

هذا ما دونت الاعلامية بقناة الحوار التونسي و مقدمة برنامج تونس اليوم على صفحتها الرسمية بموقع التواصل الاجتماعي فايسبوك:

شكرا للصيادلة لانخراطهم في عملية التلقيح.ولكن وينو التلقيح ؟؟؟جيبو التلقيح (و هذا مسؤولة عليه الدولة) و انا متاكدة الي الناس الكل باش تسجل و باش تلقح. 

جيبو التلقيح و يزيو منعمل الهواة. الأموات بالعشرات ، الله يرحمهم و ينعمهم و يصبر عائلاتهم.الناس تدفن في صغارها، في أكبادها ، في العزاز عليهم و الحكومة لاهية في العرك و المعروك و سميلي هذا و نحيلي هذا!جيبو التلقيح و كونو قد المسوولية . 

وباء و غباء و قلة حياء و تلقيح لا، ياسر على التوانسة!جيبو التلقيح و احميو شعب فادد ، مفلكط، تاعب ، حزين على بلادو و على الوضع الي وصلتلو. جيبو التلاقيح و احشمو على رواحكم.

مريم بلقاضي