وقال المليكي في تصريح لاذاعة اي اف ام
“رئاسة الجمهورية هي مسؤولية سياسية عليا في الدولة تستوجب على الشخص الذي يتحملها إدارة الشأن العام الوطني، أي السلم الاجتماعي التونسي وضمان عدم تقاتل التونسيين، يعني وحدة التراب التونسي لا يمس، يعني الدولة ترعى المواطن في الصحة والنقل والتربية.. يبدو أنو قيس سعيد لا يدرك بالضبط هذا الدور وإلا لا يريد القيام به وإلا لا يمثل نقطة قوته، هذا مشكل لأك عندما تتسلم مسؤولية الدولة ولا تريد القيام بهذه المسؤولية ستصبح إشكالا بالنسبة لك.
، إذ يتبين بشكل واضح وصريح من كل خطابات وتدخلات قيس سعيد، أن مجال تدخله الوحيد هو إما صراعه مع الخوانجية ومع راشد الغنوشي وإما مشروعه السياسي.. المشروع السياسي لقيس سعيد يلزمو يتعمل في الفضاء الحزبي في الفضاء السياسي بعد الخدمة نهارت الأحد يجتمع بالناس يقعد مع العباد، قيس سعيد ما يعرفش يفكر في المسألة هاذيا، مالثمنية للسنة هو على ذمة الشعب التونسي كموظف سامي، يتقاضى أجر مرتفع يوصل 30 ألف دينار..
تعرف قداش يتكلف قيس سعيد يوميا على المواطن التونسي، 500 مليون يوميا، ميزانية الرئاسة 170 مليار كي تقسمهم على 360 نهار 500 مليون يوميا، المجموعة الوطنية توفر لهذا الشخص 500 مليون بش يؤدي عمله، عمله هو الإشراف عالصحة، فما وزراء ما قابلهمش أصلا في 9 شهور، الراجل نهار كامل يقابل في وزراء العدل والداخلية والدفاع، فما وزيرة الثقافة عمرو ما شافها فما وزير فلاحة ظاهرلي عمرو ما شافو فما وزير الصناعة ما يشوفهمش، قيس سعيد الوزراء ما يشوفهمش ما يقعدش معاهم ما يخدمش.