صباح الجنة يا عشيرتي،صباح الجنة يا وخيتي،صباح الجنة يا باهية،صباح الجنة يا كريمة،صباح الجنة يا غالية،وينك اشنحوالك اش عاملة انا متأكدة لانت في بلاصة باهية و في رحمة الرحمان،راكي عزيزة راكي غالية راني تاعبة راني مشوشطة راني متوحشتك برشة يا وخيتي معادش عارفة اش نقول،
دموعي ما حبتش تكف ليلة كاملة راني تعلمت منك برشة دروس راكي کشفتيني على برشة حاجات في الدنيا و هي الي ما يدوم حال كان الفعل الطيب وعلى خاطر انت طيبة الناس الكل بكات على فراقك الي يعرفك و الي ما يعرفكش معاك و في دارك و في مرضتك عرفت الناس الي تحبك و الي كان يلقاو ينحيو قطعة منهم باش
انت تعيش عرفت الحب الحقيقي متاع الاصحاب في وقت الشدة،يا ربي صبرنا على فراقك يا ربي صبرنا على رحيلك،يا ربي برد النار الي تحرق يا ربي خفف الالم،الله يرحمك يا روح قلب اختك الله يسكنك الجنة و سامحيني كان قصرت معاك نحبك،
انا للتوة مانيش مستوعبة قاعدة نطلب في فوفا و نجلاء و شمس الدين باشا في مخي باش نقلهم كيف العادة اليوم باش نتلمو بحذا فايزة،انشالله نتقابلو معاك في بلاصة ما خير يا روح قلب أختك،ما اقصاها كلمة وداعا
Tags
منوعات