نوفل الورتاني كما لم تشاهده من قبل.. يدخل في حالة هستيرية على المباشر و السبب النادي الافريقي.. (فيديو)

 الإعلامي نوفل الورتاني في إذاعة الديوان اف ام يعبر عن سخطه بعد إنسحاب النادي الإفريقي في نصف نهائي الكأس ضد باجة و يصب جام غضبه على الهيئة و المدرب سعيد السايبي:

 كيفاش تحط مدرب إسمو سعيد السايبي لاهو مدرب ألقاب لاهو مدرب تكوين و لا كان ملاعبي كبير .. علاش حاطو ؟؟ شنوة الهدف من سعيد السايبي ؟؟ شنية القيمة متاعو حاطو مدرب للنادي الإفريقي  ؟؟  ..

 حاطو بش يكون الشبان تي جيبلهم مدرب كبير يؤطرهم الشبان و نفس شبان النادي الإفريقي كان جاء عندهم مدرب كبير  كيف فوزي البنزرتي راهم ربحو باجة ثلاثة بلاش البارح ، و رئيس نادي ما ينجمش يوفر خمسين مليون خلاص مدرب كبير علاش شادها ملا النادي الإفريقي متشدش رئيس سيبها الجمعية توا يشدها الجمهور توا تهزها البطولة ..

 و الهيئة المديرة الحالية للفريق تتحمل مسؤولية كبيرة في ردائة نتائج النادي الإفريقي بإختيار المدرب بظروف التمارين و معاش تقلي مفماش فلوس أخلق فلوس ملا علاش شاد رئيس و كان إنتي كرجل أعمال ما تنجمش إدبر ميتين ثلاثة ميات مليون شهاري الجوارات ، ماذا تفعل في رئاسة النادي الإفريقي 

لا تقلي فترة إنتقالية لا شيء راهي مساطت البطولة مللي طاح مستوى النادي الإفريقي  لا عاد ماتشوات سخونة لا دربيات سخونة تي المستير جايبة مدرب أجنبي و إنتي جايبلي سعيد السايبي مدرب deuxième choix و أنا اللي يوترلي أعصابي يجيني مسؤول يقول عادي و فترة إنتقالية  

.. لا فترة إنتقالية لا شيء سيبني جيبلي على الأقل مدرب كبير و في اللخر أنا حبيت نقول النادي الإفريقي  بظروفها الحالية كانو الملاعبية ينجمو يلعبو بڨليب وينو الڨليب اللي يصنعو المدرب في جواراتو، 

و أنا تمنيت المدرب يتعين بطريقة علمية و إنو كي عادل السليمي يتنحى يجينا مسؤول يجاوبنا علاش تنحى عادل السليمي خاطر عادل السليمي جوار كبير و كاريار كبيرة كي ياقف قدامو ملاعبي يتكبس و يعطي ما عندو  خاطرو يخاف من عادل السليمي بخلاف يعطيه التعليمات و التمركز الصحيح أنا كان جاء عادل السليمي و سمير السليمي تنجم تصنع بكبارات النادي الإفريقي متاع الرباعية جيل قوي و ترجع للألقاب .