فما عباد يعمل ضربة على الانستغرام يلقى روحو غدوة في دور بطولة في مسلسل أنا بادي المسرح من عام 99 و يجي رمضان مانخدمش
شاهد الفيديو في الأسفل:
🔵فما عباد يعمل ضربة على الانستغرام يلقى روحو غدوة في دور بطولة في مسلسل أنا بادي المسرح من عام 99 و يجي رمضان مانخدمش
🔵عملت قهوة حاطط فيها راجل اختي نمشي للقهوة يجيو عباد يسلمو عليا نقلو ماتخلصش عليهم ياخي فلست القهوة
🔵قاعد نحضر في برنامج في راديو بازار في اللمسات الأخيرة و اسم البرنامج ملا جو
🔵فما عودة تلفزية اما مش في استوديو 9
🔵خدمة السينما مش كيما المسرح السينما تعمل فيلم تمنتيه تحطوا en boîte يقعد غادي المسرح لا حي عرض متع اليوم مش هو العرض متع غدوة ساعات حاجة تبدى شايخ عليها في البروفا تقول هاذي بش تقتل لعباد بالضحك و بعد تلقاها ماتضحكش و ساعات حاجة عادية تلقاها شاخت عليها العباد
🔵انا كل عرض نخاف اكثر من العرض الي قبلو و الممثل الي معندوش track ماهوش ممثل خاتر هذاكا احساس بالمسؤولية
🔵بالنسبة ليا يا حكومة وخيتي حاجة باهية و هذيكا حاجة خدمت عليها
🔵مسرحية ها الشعب وخي هي مسرحية تراجيدية كوميدية المسرح الي نعمل فيه المرأة الي عمرها 80سنة تفهمني و الي عمرو 10سنين يفهمني خاتر نخاطب الشعب بلهجتو و لغتو
🔵مايحس بالفنان كان الفنان و زهير بالرايس يقول شنوة قاري انا ماخو البكالوريا بالروز و قاري سينما و نقريك سينما و نوعية زهير الرايس مايعتذرش
🔵مكانش عندي دور في الجبل الاحمر و ماتصلوش بيا و نقدم تحية لعزيز باي الي كلمني و قلي نعتذرو الي معيطنالكش معانا
🔵شادد صحيح في انو الأدوار قاعدة تتعطى في قعدة
🔵المخرجين الي خدمت معاهم لكل بالاحترام و القدر انا هاني موجود والي يحب يعيطلي يعيطلي
🔵كنت بش نعمل برنامج تلفزي حاجة اجتماعية و تلغى لأسباب إنتاجية اما الفكرة مزالت مطروحة
🔵كافون خويا الغالي و قالي الصحبة صحبة و كل حاجة في بلاصتها و خلصني رغملي مفيباليش بش ناخو فلوس من الاول
🔵انا ممثل و نخدم في فيلم ولا كليب و لا في اي حاجة فيها تمثيل كان يقولولي هاو نشرة جوية ايجا مثل فيها تو نمشي
Tags
منوعات