بعد تصريحه الاول المثير الجدل حول كرهه للحجاب : الممثل محمد كوكة في تصريح جديد صادم يثير جدلا واسعا. التفاصيل

بعد تصريحه الاول المثير الجدل حول كرهه للحجاب : 

الممثل محمد كوكة  في تصريح جديد صادم يثير جدلا واسعا. التفاصيل 

بعد تصريحه المثير الجدل حول كرهه الى الحجاب عاد من جديد الممثل محمد كوكة ليثير الصخب بعد تصريحات غريبة جعلت الرجل في مرمى سهام الانتقادات اللاذعة و السخرية و احيانا تصف الى لغة الشتم و السبّ …

هذه المرة ظهر محمد كوكة مع الاعلامية ميساء باديس ليعلن انه مع المساكنة قبل الزواج في اعتداء صارخ على الشرع و القيم الاجتماعية التونسية المحافظة

مبرزا و كأنه يشجّع على الزنا و الانجاب خارج اطار الزواج حيث واصل بالقول انه عاش لسنوات مع زوجته الاولى دون رابط قانوني يربطهما و انه انجب منها خارج اطار الزواج طفل شهد زواج والديه على اعتبار ان الزوجين اظطرا الى ابرام عقد زواج لضروريات السفر …

وفيما أبرز ما قاله محمد كوكة في برنامج #Samedi_Plus مع ميساء باديس:                       

🔵ما عندي حتى مشكل أنا حر طليق نحاول نعبر عن رأيي في السياسة و في وقت من الأوقات كنت مع عبير موسي .                                 

🔵عبير موسي طغات عليها نوع من الميوعة ما فماش رؤية واضحة و إختيارات واضحة و مشروع واضح تقدم فيه.

🔵أنا féministe 1000% وشخص كان تونس تولي تحكم فيها مرأة.                   

🔵أنا توا خايف على البلاد و المشهد السياسي التونسي تردى بصفة غريبة .            

🔵قيس سعيد الخطاب متاعو فيه غياب للتنسيق و ما فيهش أفكار و مشروع و اتجاهات واضحة وين ماشيين بيها البلاد.

🔵المعارضة غايبة تمام ينقصها الذكاء و الواقع الي نعيشو فيه فما فيه دمغجة .                   

🔵أزمة الايصونص المسؤول و المتسبب فيها هما الخوانجية هتكو البلاد و السياسة متاعهم سياسة سطحية و مافيهاش عمق و ذكاء و مراجعة و حب المعرفة و10 سنين الي عرفتهم تونس عمري لا عشت هذا التردي السياسي و الاقتصادي.                                             

🔵نفضل عهد بن علي ب 10 ألاف مرة على العهد هذا على خاطر كنت حر و كنت نتعامل مع شكسبير و ننقد .                              

🔵نكره النضال في الدم .                                  

🔵من الناحية الاقتصادية قدمت مشروع لوزارة الثقافة و لتو ما وافقوش عليه .         

🔵توا نتعامل مع فاضل الجزيري و أحسن دور مثلتو هو شيخ الباهي           

🔵أنا كنت في أزمة و عندي مشكل مع ذاتي و في بالي انو المسرح باش ينحيلي الأزمة مع ذاتي .                          

🔵أنا في أخر العمر بديت نلقى في نوع من السكينة مع ذاتي.                             

🔵أنا عندي مشكل كبير هو انو مانجمش نغزر لناس في عينيهم و حتى أولادي منجمش نغزرلهم في عينيهم نخاف يقولو هذا عندو مشاكل جنسية .               

🔵أنا كيف نغزر للناس في عينيهم نقول بالك يقولو هذا إنسان خايب يعني أنا نرى في روحي في نظرة غير نظيفة للبشر وهاذي مأساة  .                             

🔵لو كنت رئيس حكومة أول قرار ناخذو هو إني نجتمع بأهل الاقتصاد و نشوفو علاش غلاء المعيشة الي وصل ل 8%  .        

🔵لو كنت وزير الشؤون الثقافية أول قرار ناخذو هو دعم الفرق المسرحية المحترفة لأنها مدعاة للحرية و الحرية ما تنجم تكون عندها قيمة الا في مجتمع مثقف .                                       

🔵الجهل هو الي جاب الديمقراطية و هو الي خلى الأزمة الاقتصادية تتفاقم.                  

🔵الديمقراطية هي الي جابت الحكم النهضاوي و المجتمع التونسي نوع ما متخلف                                             

🔵فما فيلسوف يعجبني برشا هو أفلاطون كان ضد الديمقراطية و كان إنسان يحب الخير .                                               

🔵لو ما كنتش ممثل كنت نكون chef d'orchestre.                                     

🔵لو خيروني بين تونس والبرا كنت نخير نعيش في باريس

🔵لو خيروني بين المسرح و السينما كنت نخير المسرح كإبداع و من ناحية الفلوس نختار السينما.                             

🔵لو خيروني بين السعادة و الفلوس نختار الفلوس.                                     

🔵أنا ضد الراجل الي ياخذ 4 نساء هاذي أسقط منها ما فماش .

🔵أنا ضد العمرة sponsorisés و العمرة الي موش sponsorisés و أنا عندي مشكلة مع المعتقدات و تو عندهم 1400سنة يرجمو في الشيطان لتو لا ترجم ؟

🔵أنا ضد les instagrameuses يكونو دخلاء لتمثيل أنا كان كنت نجم ندخلهم للحبس خاطر فما برشا رداءة لازم القضاء عليها. 

🔵جديدي هو مسرحية سقوط دمشق بإدارة الفاضل الجزيري و ستقدم في مركز الفنون بجربة .