"خالد يوسف اشترط انهم يمثلوا منغير مكياج في الفترة الزمنية القديمة ، أنا منعت لأنو جيت في الفترة إلي مبعدها .. أما حتى المكياج فرض علينا أنو يكون simple علخر ...
أنا ماخفتش لأنو ماشية نمثل مع مخرج مايهمنيش في حياتو الشخصية وكلنا خطائين وعندنا مشاكلنا وحكاياتنا ...
إلي صار لخالد يوسف يمكن حاجة أكبر وعملت بوليميك هذا الكل مايهمنيش قد مايهمني أني باش نخدم مع مخرج عندو اسم وباش يزيدني في الكريار متاعي وباش يزيدني برشا حاجات ...
أنا كي تقابلت معاه كان إنسان محترم ياسر ومتربي ياسر معايا و professionnel ويحب خدمتو برشا وهذا إلي ريتو فيه كمخرج ... في الأخير أنا نعرف روحي شنيا ويظهرلي تعدى على راسنا برشا من أيام الجامعة لليوم ونجموا نميزوا بين الباهي والخايب وأنت تعرف تعطي حدود لروحك ... كلامات الناس مايهمنيش ... ماتوقعتش الضجة إلي صارت بعد حضوري في ختام مهرجان القاهرة السينمائي"
Tags
منوعات