بعد إصدار بطاقة إيداع بالسجن ضده: سليمة المخلوفي (إبنة رجل الأعمال عبد العزيز المخلوفي ) توجه هذه الرسالة" بابا نظيف"

سليمة المخلوفي (بنت سي عبد العزيز) نشرت ما يلي:

رسائل بابا تقول كل شيء عليه.

9 نوفمبر 2023: "صباح الخير يا طفلة! توحشتك... بوسة." 

5 جويلية 2024: "ما تستسلمش."

23 سبتمبر 2024: "المهم انك تبقى متواضعة."

 هالكلمات القليلة يبرزوا الشخصية متاعو: أب حنون، مشجع، و متواضع برشة. راجل يجسد الحب، الكرم و الطيبة.

علمني القيم الأساسية في الحياة، القيم اللي شكلتني و ساعدتني نكون الشخص اللي أنا عليه اليوم. ديما موجود، ديما حاضر باش يمد يد المساعدة، يعطي دعم و راحة لكل من يحتاج، يعطي من غير ما يستنى حتى مقابل.

هالمهندس الشاب اللي ما كان عندو كان حلم - الحلم باش يشوف العلم التونسي يرفرف بفخر عالمياً، و خاصة باش يروج زيت الزيتونة متاعنا في كل بلاصة في العالم. بادي من معصرة صغيرة، بنا، بثمن صحته، و وقته و عايلته، مشروع مستدام و ذو رؤية، مؤسس على قيم قوية، و اللي اليوم معترف بيه دولياً.

كان عندو حب عميق لصفاقس، لمدينتو، و للنادي الرياضي الصفاقسي. نهار، بعد ما قريت برشة انتقادات من الجمهور على وسائل التواصل الاجتماعي، رجعت للدار نبكي و سألته علاش يقبل يعاني هالتعليقات.

جاوبني ببساطة: "كيفاش نجم نشوف صفاقس و السي آس آس في حاجة و نبقى مكتوف الأيدي من غير ما نعاون؟"

في النهاية، حتى ما نحتاجش ندافع على نزاهة و صدق بابا، خاطر الناس اللي يعرفوه، يعرفوا شكون هو. الانتقادات تجي عادة من الناس اللي ما يعرفوهش و يحاولوا يشوهوا سمعتو من الغيرة و يقولوا "اللي غلط يخلص"، مقتنعين اللي يلزمو "يخلص على أخطاء" ما عملهاش. الناس هاذوما ما يعرفوش شنوة يحكيو عليه، بكل بساطة خاطر عمرهم ما عرفوا عزوز.